मंगल भोरमे प्रवर्तन निदेशालय (ईडी) केर टीम लालू यादवक निकट सहयोगी आ राजद विधायक किरण यादवक घर आ हुनकासँ जुड़ल कतेको जगह पर छापा मारलक।
एक दिस बिहारक पूर्व उपमुख्यमंत्री तेजस्वी यादव जन विश्वास यात्रा निकालि रहल छथि, दोसर दिस ईडीक टीम हुनकर पिता आ राजद सुप्रीमो लालू यादवक करीबीक घर पहुंचल। लालू परिवारक बहुत नजदीकी मानल जायवला राजदक पूर्व विधायक अरुण यादवक आवास पर ईडीक छापा चलि रहल अछि। जखन ईडीक टीम ओतय पहुँचल तखन नहिं तऽ अरुण यादव आ नहिं हुनक पत्नी किरण देवी निवास पर उपस्थित छलैथ। वर्तमानमे किरण देवीक निवासक बाहर पैघ संख्यामे पुलिस बल उपस्थित अछि।
सूत्रक अनुसार ईडीक १० गोटेक टीम राजद विधायक किरण देवीक घर पर छापा मारय लेल पहुँचल अछि। किरण देवी संदेश निर्वाचन क्षेत्रसँ राजद विधायक छथि। अरुण यादव आ किरण यादवक अनुपस्थितिमे हुनक बेटासँ पूछताछ कयल जा रहल अछि आ एहि दौरान ईडी केकरो घरमे घुसबाक अनुमति नहिं देलक अछि। अरुण यादव बालूक बड़का व्यवसाय करैत छथि। किरण यादवक आरा निवासक अतिरिक्त ईडीक टीम पटनाक रंजन पथक हुनक अपार्टमेंटमे ५टा फ्लैटपर सेहो छापा मारि रहल अछि। हुनकर कंपनीक कार्यालय एहि अपार्टमेन्टमे अछि। अरुण यादव आ किरण यादवक निगरानी एजेंसी द्वारा पिछला कतेको माससँ कयल जा रहल छल। एहिसँ पहिने पछिला साल १६ मईकेँ सीबीआई टीम अरुण यादव आ किरण यादवसँ जुड़ल कतेको ठाम कतेको घंटा धरि छापा मारने छल।
ओहि समय दिल्ली-गुरुग्राम सहित कतेको ठाम छापा मारल गेल छल। छापाक दौरान सोशल मीडिया पर हुनकर भव्य महल घरक खूब चर्चा भेल छल। पछिला साल सीबीआई टीम लैंड फॉर जॉब घोटाला मामिलामे छापा मारने छल।
