बुधदिन समाहरणालयक बैसार कक्षमे अपर समाहर्ता ज्योति कुमारक अध्यक्षतामे आयोजित बैसारमे कोसी महोत्सवकेँ सुचारू रूपसँ आयोजनक तैयारी लेल समीक्षा कयल गेल एवं उचित दिशा निर्देश देल गेल। विमर्शक दौरान ई तथ्य सामने आयल जे कोसी महोत्सवक ई आयोजन 13 आ 14 मार्च 2024 केँ होयत।पहिने कहल गेल महोत्सवक आयोजनक तिथि क्रमशः 20 आ 21 मार्च तय कयल गेल छल, अपरिहार्य कारणसँ उचित विचारक बाद कोसी महोत्सवक आयोजनक तिथि तय कयल गेल, जे क्रमशः 13 आ 14 मार्च अछि। स्टेडियमक मैदानमे कोसी महोत्सवक आयोजनक प्रस्ताव अछि। कोसी महोत्सवक आयोजन हर्षोल्लास आ उत्साहक माहौलमे होयत। एहिमे विभिन्न कार्यक्रम शामिल होयत। एहि दौरान दुपहर 12 बजे स 1.00 बजे तक खेल प्रतियोगिताक आयोजन कयल जायत।जखन कि दुपहर 2 बजे स 9 बजे तक सांस्कृतिक कार्यक्रमक आयोजन करबाक प्रस्ताव अछि। विभिन्न विभाग जेना मनरेगा, जीविका, कृषि महोत्सव केर सुचारू रूपसँ आयोजनक लेल नियत काज केर समुचित निर्वहन सुनिश्चित करय लेल शहर आ पीएचईडी सन अन्य विभागक स्वच्छताक काजमे तेजी लाबय लेल, निर्देश देल गेल अछि। बैसारमे सब संबंधित अधिकारी उपस्थित छलाह।
