राहुल गाँधीक भारत जोड़ो न्याय यात्रा बृहस्पति दिन बांसवाड़ा जिलाक दानपुरसँ राजस्थानमे प्रवेश कयलक। एम्हर एकटा रैलीकेँ सम्बोधित करैत कांग्रेस नेता राहुल गाँधी कहलनि, “हम मनरेगा अनलहुँ जाहिसँ लाखो लोककेँ लाभ भेल, रोजगारक अधिकार देलहुँ। तहिना हम भारतक सभ युवाकेँ अप्रेंटिसशिपक अधिकार देबय जा रहल छी। ई प्रत्येक स्नातक आ डिप्लोमा धारक के देल जायत। कॉलेजक तुरन्त बाद प्रत्येक युवाकेँ १ वर्षक लेल अप्रेंटिसशिप देल जायत आ ओकरा १ लाख रुपया देल जायत आ संगहि संग ई अधिकार देल जायत।
१) भर्ती भरोसा : ३० लाख सरकारी नौकरी भरल जाएत।
२) पहिल नौकरी पक्का : २५ सालसँ कम डिप्लोमा धारक वा कॉलेज ग्रेजुएटकेँ एक साल के लेल १ लाख रुपया पर प्लेसमेंट
३) पेपर लीकसँ मुक्ति : कांग्रेस करोड़ो युवाक भविष्य खराब होयबासँ रोकत, पेपर लीकसँ छुटकारा पाबय लेल सख्त कानून बनाओत।
४) गिग इकाॅनामीमे सामाजिक सुरक्षा : गिग श्रमिकसभकेँ सामाजिक सुरक्षाक कानूनी गारंटी
५) युवा रोशनी : देशक सभ जिलाक लेल ५००० करोड़ टकाक स्टार्ट-अपक लेल फंड। ४० सालसँ कम उम्रक युवा उठा सकता लाभ।
