जिलाक नवहट्टा प्रखंड क्षेत्र केर अंतर्गत रामनगर भरनासँ नवहट्टा होइत तेलवा होइत मुख्य सड़क विषहरिया धार पर बनल पुरान पुल केर तोड़लाक कारण ग्रामीण सबके यातायात मे भारी दिक्कतक सामना करय पड़ि रहल अछि। पुल लेेल बेलल्ला लोक सब निर्माण लेल माकपा नेता विलक्षण शर्मा के नेतृत्व मे विरोध प्रदर्शन आ नारा लगाओल। प्रदर्शनमे युवा नेता सह जिला 20 सूत्री सदस्य कुंदन यादव सेहो भाग लेलनि। जतय ओ कहलनि जे पुल खसला के कारण रामनगर भरना सहित नजदीकी इलाका के हजारों लोक केर प्रखंड, अस्पताल आओर कृषि काज क लेल 8-10 किलोमीटरक नम्हर दूरी तय करय पड़ैत अछि।जकर कारण समयक संग संग ग्रामीण केर आर्थिक आ मानसिक समस्याक सामना करय पड़ि रहल अछि। ओ जिला प्रशासनसँ मांग कयलनि जे ओ तुरंत आसान परिवहन लेल वैकल्पिक व्यवस्था अवश्य करथि। प्रदर्शनमे शंकर मुखिया, छोटेलाल पासवान, कृष्ण कुमार, विनोद शर्मा, शंभू मुखिया, सीता देवी, सुलेन्द्र मुखिया, बहादुर शर्मा, कृत नारायण मेहता, सुलेन्द्र शर्मा, चानो कुमार आदि ग्रामीण उपस्थित रहैथ।
