कांग्रेस नेता राहुल गांधी बृहस्पति दिन बिहारक औरंगाबाद पहुंचबाक कार्यक्रम अछि। एहिसँ पहिने ओ भाजपाकेँ निशाना पर लेलन्हि अछि। ओ मोदीक गारंटी पर कटाक्ष कयलनि अछि आ पहिने ‘पुरान गारंटी’क हिसाब देबाक लेल कहलनि अछि।
कांग्रेसक पूर्व अध्यक्ष अपन एक्स हैंडल पर लिखलनि, “मोदी जी, ‘नव गारंटी’सँ पहिने ‘पुरान गारंटी’क हिसाब करू।”
ओ लिखलनि, “हर साल २ करोड़ नौकरीक गारंटी – झूठ। किसानक आमदनी दुगुना करबाक गारंटी – झूठ। काला धन वापस आनय केर गारंटी – झूठ। महंगाई कम करबाक गारंटी – झूठ। हर खातामे १५ लाखक गारंटी – झूठ। महिलाक सुरक्षा आ गरिमाक गारंटी – झूठ। १०० स्मार्ट सिटी बनेबाक गारंटी अछि। रुपया केर मजबूत करबाक गारंटी – झूठ। चीनकेँ लाल आंखि देखाबए केर गारंटी – झूठ। नहिं खायब आ ने खाय देब केर गारंटी – झूठ।”
प्रधानमंत्री नरेन्द्र मोदी पर कटाक्ष करैत राहुल गांधी आगू लिखलनि जे १० सालसँ झूठ सपनाक बाइस्कोप लऽ कऽ घूमि रहल प्रधानमंत्री देशमे ठगीक कारोबार कऽ रहल छथि। ओ साफ-साफ कहलनि जे भाजपा सरकारक अर्थ अछि झूठ आ अन्यायक गारंटी, कांग्रेस देशक सपनाक संग न्याय करत।
राहुल गाँधीक भारत जोड़ो न्याय यात्रा बिहारमे प्रवेश कयलक अछि। राहुल गाँधी बृहस्पतिकेँ औरंगाबादमे एकटा सभाकेँ सम्बोधित कयलनि। राहुल गाँधी पहिने गया आ फेर औरंगाबाद जयताह।
