रोजगार मेलामे प्रधानमंत्री मोदी 30 नवंबर कय ५१,००० सँ बेसी युवाकेँ नियुक्ति पत्र देताह
नई दिल्ली । समदिया
प्रधानमंत्री नरेन्द्र मोदी रोजगार मेलामे ३० नवम्बरकेँ विभिन्न सरकारी विभाग आ सङ्गठनमे नवनियुक्त कर्मचारीसभकेँ ५१ हजारसँ बेसी नियुक्ति पत्र वितरित करताह।
प्रधानमंत्री कार्यालय द्वारा जारी एकटा वक्तव्यक अनुसार, प्रधानमंत्री मोदी ३० नवम्बर २०२३ केँ साँझ ४ बजे वीडियो कॉन्फ्रेंसिंगक माध्यमसँ नवनियुक्त कर्मचारीसभकेँ ५१ हजारसँ बेसी नियुक्ति पत्र वितरित करताह। प्रधानमंत्री एहि अवसर पर नवनियुक्त कर्मचारीकेँ सेहो सम्बोधित करताह।
देश भरिमे ३७ स्थान पर रोजगार मेला आयोजित कयल जायत। एहि पहलक समर्थन करैत केन्द्र सरकारक विभागक सङ्ग-सङ्ग राज्य सरकार/केन्द्र शासित प्रदेशमे भर्ती कयल जा रहल अछि।
देश भरिसँ चुनल गेल नव कर्मचारी राजस्व विभाग, गृह मंत्रालय, उच्च शिक्षा विभाग, स्कूल शिक्षा आ साक्षरता विभाग, वित्तीय सेवा विभाग, रक्षा मंत्रालय, स्वास्थ्य आ परिवार कल्याण मंत्रालय आ श्रम आ रोजगार मंत्रालय सहित सरकारक विभिन्न मंत्रालय/विभागमे योगदान करत।
आशा अछि जे रोजगार मेलासँ रोजगार सृजनकेँ आगू बढ़यबाक दिशामे उत्प्रेरकक रूपमे काज होयत आ युवासभकेँ अपन सशक्तिकरण आ राष्ट्रीय विकासमे भाग लेबाक सार्थक अवसर भेटत।
नव भर्ती कयल गेल कर्मचारी अन्य विषयक सङ्ग-सङ्ग अपन रचनात्मक विचार आ भूमिकासँ सम्बन्धित दक्षताक माध्यमसँ देशक औद्योगिक, आर्थिक आ सामाजिक विकासकेँ सुदृढ़ करबामे योगदान करत, जाहिसँ विकसित भारतक प्रधानमन्त्रीक सपना साकार करबामे सहायता भेटत।
नव भर्ती कर्मी के आईजीओटी कर्मयोगी पोर्टल पर एकटा ऑनलाइन मॉड्यूल कर्मयोगी आरम्भक माध्यमसँ स्वयंकेँ प्रशिक्षित करय केर अवसर सेहो भेटत। आईजीओटी कर्मयोगी पोर्टल पर ‘कोनो उपकरण पर कतहु’ सीखबाक प्रारूपमे ८०० सँ बेसी ई-लर्निंग पाठ्यक्रम उपलब्ध करायल गेल अछि।
