पीएम मोदी कयलनि सांसदक संग समीक्षा बैसार, एक महीनाक वेतन बाढ़ रहत लेल दानक घोषणा

नई दिल्ली। समदिया

प्रधानमंत्री नरेंद्र मोदी मंगलदिन कहलनि कि ओ राज्य केर विभिन्न भागमे व्याप्त बाढ़क स्थितिक संबंधमे असमसँ सांसद केर बैसार कयलौंह। ओ आश्वासन देलनि जे केंद्र सरकार असम सरकारक संग मिलिकय प्रभावित लोकक मदद कय रहल अछि।

एक्स पर एकटा पोस्टमे प्रधानमंत्री कहला जे ओ जनताक सुरक्षा आ कुशल मंगल लेल प्रार्थना करैत छथि। ओ लिखलनि जे, “असमक सांसद सभसँ भेंट कय राज्यक विभिन्न हिस्सामे वर्तमान बाढ़िक स्थिति पर चर्चा कयलहुं। केंद्र सरकार असम सरकारक संग मिलकय प्रभावित लोकक मदति कय रहल अछि। हम सभक सुरक्षा आ कुशल मंगलक प्रार्थना करैत छी।”

एहि बीच असमक विधायक एकटा महत्वपूर्ण निर्णय लेलनि अछि। रायजोर दलकेँ छोड़ि कय सभ विधायक मंगलदिन घोषणा कयलनि, “राज्यमे बाढ़ि पीड़ितक राहत आ पुनर्वास लेल एक मासक वेतन दान करब।”

सभापति रंजीत कुमार दास कहलनि जे, ओ आ उपसभापति हब्बे टेरोन बाढ़ि राहत लेल एक मासक वेतन दान करताह। ओ घोषणा कयलनि, “हमरा सभक अतिरिक्त विधानसभा सचिवालयक सभ कर्मचारी एक दिनक वेतन पीड़ितक राहत आ पुनर्वास लेल दान करताह।”

एहि पहलक स्वागत करैत संसदीय मामिला मंत्री पीजुश हजारिका कहलनि जे भाजपाक सभटा विधायक एक मासक वेतन सेहो दान करताह। राज्य केर अकेला तृणमूल कांग्रेस विधायक शेरमेन अली अहमद सेहो एकर अनुसरण कय बाढ़ प्रभावित इलाका लेल अपन एक महीनाक वेतन दान करय केर घोषणा कयलनि।

जनतब दी जे असम आ नागालैंड केर बाढ़ प्रभावित क्षेत्रमे भारतीय वायुसेना (आईएएफ) द्वारा मानवीय सहायता आ आपदा राहत अभियान जारी अछि। प्रतिकूल मौसम आ चुनौतीपूर्ण परिस्थितिक बावजूद वायुसेना सक्रिय रूपसँ राहत आ बचाव अभियानमे जुटल अछि। मंगलदिन आईएएफ केर खबरि छल जे ओकर हेलीकॉप्टर पिछला 10 दिनमे बाढ़िमे फंसल 458 लोककेँ बचा लेलक अछि। वायुसेनाक अनुसार एखन धरि प्रभावित इलाकामे हवाई मार्गसँ 9 टनसँ बेसी आवश्यक राहत सामान पहुंचाओल गेल अछि। राहत अभियानक तहत वायुसेनाक जवान लगातार दुर्गम आ बाढ़सँ भरलऽ क्षेत्रक ऊपर हेलीकॉप्टर उड़ाबैत अछि।

ज्ञातव्य जे कुल 631 गाम डूबल अछि। एम्हर, 184 शिविर आ वितरण केंद्रक माध्यमसँ राहतक काज जारी अछि, जाहिसँ लगभग 28,700 लोककेँ आश्रय देल जा रहल अछि।