पटना एम्सकेँ जल्द भेटत 24 एकड़ जमीन, 200 नव बेड आ बर्न मरीज लेल त्वचा भंडारणक सुविधाक होयत व्यवस्था : सम्राट चौधरी
पटना। समदिया
मुख्यमंत्री सम्राट चौधरी काल्हि पटना एम्सक निरीक्षण केलथि। एहि दौरान ओ संस्थानक स्वास्थ्य सेवा, बुनियादी ढांचा आ भविष्यक विकास योजनाक संबंधमे विस्तृत जानकारी एकत्रित कयलनि आ अधिकारीकेँ आवश्यक निर्देश जारी केलथि।
निरीक्षणक दौरान उपमुख्यमंत्री सम्राट चौधरी कहलनि जे एम्स पटनाक विस्तार आ विकासक लेल राज्य सरकार संभव सहयोग देत। ओ संस्थानक विस्तार लेल 24 एकड़ जमीन उपलब्ध करबामे राज्य सरकारक सहयोगक आश्वासन देलथि। एक बेर अतिरिक्त जमीनक अधिग्रहण भ गेलाक बाद पटना एम्समे लगभग 200 नव बेड उपलब्ध भ जाएत, जाहिसँ संस्थानमे मरीजक इलाजक क्षमतामे वृद्धि होएत।
मुख्यमंत्री सम्राट चौधरी राज्य सरकार एम्स, पटनासँ नाथूपुर धरि बनल फोर लेन सड़क निर्माण लेल आवश्यक सहयोग आ समन्वय सुनिश्चित करत, जाहिसँ मरीज, हुनक परिवार आ आम जनताकेँ बेहतर आ सुचारू आवागमनमे सुविधा होएत बतौलनि।
ओ आगू कहलनि जे, राज्य सरकार जरल मरीजक इलाजक लेल त्वचा भंडारणक सुविधा विकसित करयमे पूरा सहयोग देत। ओ कहलनि जे एहिसँ गंभीर रूपसँ जरल मरीजक बेहतर आ समय पर इलाज करबामे मदति भेटत।
मुख्यमंत्री सम्राट चौधरी बर्न वार्डमे जा कय इलाजरत मरीजसँ भेंट केलथि आ उपलब्ध चिकित्सा सुविधाक बारेमे पूछताछ केलथि। ओ मरीज आ हुनक परिवार केर मनोबल बढ़ौलनि आओर हुनक जल्दी स्वस्थ्य होय केर कामना कयलनि।
ओ न्यूक्लियर मेडिसिन विभागक भीतर पीईटी-सीटी रूम, एसपीईसीटी-सीटी रूम आ रेडियोफार्मेसी लैब केर निरीक्षण कयलनि। एकर अलावा, ओ ऑन्कोलॉजी डिवीजन, एनाटॉमी विभाग आ ओपीडीक निरीक्षण कयलनि, जाहिमे ओतय केर व्यवस्थाक बारेमे विस्तृत जानकारी जुटाबै केर काज कयलक।
निरीक्षणक दौरान मुख्यमंत्री सम्राट चौधरी एम्स परिसरक भीतर स्थित पोखरिक जांच सेहो कयलनि। ओ निर्देश देलनि कि एही पोखरी केर नवीनीकरण कय पर्यटन आ आकर्षणक केंद्रक रूपमे विकसित कयल जाय, जाहिसँ ई सुनिश्चित कयल जाय कि ई जनता लेल एगो सुंदर आ उपयोगी जगह बनि जाय आ संगही संग पर्यावरण संरक्षण केर बढ़ावा देल जाय।
मुख्यमंत्री सम्राट चौधरी कहलनि जे, राज्य सरकार गुणवत्तापूर्ण स्वास्थ्य सेवा केर विस्तार आ चिकित्सा बुनियादी ढांचाकेँ मजबूत करय लेल प्रतिबद्ध अछि आ एम्स, पटना केर विकाससँ जुड़ल सभ आवश्यक काजक लेल सक्रिय सहयोग देत।
