15 अगस्त धरि जँ लक्ष्य पूरा नहि तँ कार्यवाही लेल रहू तैयार : राजस्व आ भूमि सुधार विभाग

पटना। समदिया

राजस्व आ भूमि सुधार विभाग सभ जिलाकेँ 15 अगस्त धरि अभियान बसेरा सहित प्राथमिकता वला राजस्व कार्य पूरा करबाक निर्देश देलक अछि। सचिव चेतावनी देलनि जे-जे अधिकारी लापरवाही वा देरी देखबैत छथि हुनका पर सख्त कार्यवाही कयल जायत।

बिहार सरकारक राजस्व आ भूमि सुधार विभागक सचिव जय सिंह बुधदिन राज्यक सभ 38 जिलाक अपर जिला मजिस्ट्रेटक संग वीडियो कॉन्फ्रेंसिंगक माध्यमसँ राजस्व कार्यक समीक्षा कयलनि आओर स्पष्ट निर्देश जारी कयलनि जे सरकारी प्राथमिकता वला सभ काज निर्धारित समय सीमामे पूरा करय पड़त। ओ ई बात साफ-साफ कहलनि कि कोनो भी स्तर पर शिथिलता, अनावश्यक देरी आ लापरवाही बर्दाश्त नहि कयल जायत आ जिम्मेदार अधिकारीक खिलाफ सख्त कार्यवाही कयल जायत।

सचिव जय सिंह 15 अगस्त 2026 केँ अभियान बसेराक तहत बेघर परिवारकेँ जमीन वितरणक तैयारीक जिलावार समीक्षा कयलनि। राजस्व महा-अभियान (गुरुग्राम अभियान) केर तहत प्राप्त लंबित आवेदनक समीक्षा करैत सचिव कहलनि जे, सभ मामिलाकेँ प्राथमिकताक आधार पर प्रक्रिया करबाक चाही। लंबित मामिलामे कोनो शिथिलता बर्दाश्त नहि कयल जाएत।

हालमे स्थानांतरित अंचल अधिकारी आ  सहायक बंदोबस्त अधिकारीक स्थानांतरण आ पदस्थापनक समीक्षा करैत ओ निर्देश देलथि जे सभ प्रक्रिया तुरंत पूरा कयल जाए ताकि प्रशासनिक काज पर कोनो असर नहि पड़य। ओ कहलनि जे हर हालमे इ काज 15 जुलाई धरि पूरा भ जेबाक चाही। नवका पोस्टिंगसँ जुलाईक वेतन निकालल जाएत। आरसीएमएस पोर्टलक माध्यमसँ वीडियो कॉन्फ्रेंसिंगक माध्यमसँ सुनवाईक तैयारीक समीक्षा करैत सचिव निर्देश देलनि कि सभ जिलामे तकनीकी संसाधन, आवश्यक उपकरण आ प्रशिक्षणक व्यवस्था तुरंत पूरा कयल जाय।

बैसारक अंतमे सचिव जय सिंह केर कहनाय छनि जे सभ अपर अपर समाहर्ताकेँ व्यक्तिगत जिम्मेदारी लेबाक चाही आ नियमित रूपसँ काजक निगरानी करबाक चाही। राजस्व कार्यमे कोनो तरहक लापरवाही देखाबय वला वा समय सीमाक उल्लंघन करय वला अधिकारीक खिलाफ नियमक अनुसार कड़ा कार्यवाही कयल जायत जे सरकारक प्राथमिकता अछि।