मिथिला क्षेत्रीय बिहारक मधेपुरामे एक्कहि परिवारक तीन गोटेकेँ हत्या
मधेपुरा
*
मिथिला क्षेत्रीय बिहारक मधेपुरा जिलामे रविदिन अपराधी सभ एक्कहि परिवारक तीनटा सदस्यक गोली मारि हत्या कऽ देलक।
एकटा पुलिस अधिकारी बतौलनि जे मधेपुरा सदर थाना अन्तर्गत भर्राही सहायक थाना क्षेत्रक सकरपुरा गाममे अपराधी सभ एक परिवारक तीनटा सदस्यक हत्या कऽ देलक।
मृतकक पहिचान सूर्य नारायण साह, हुनकर पत्नी अनिता देवी आ पुत्र प्रद्युम्न साहक रूपमे भेल अछि।
घटनाक सूचना भेटलाक बाद पुलिस घटनास्थल पर पहुँचि मामिलाक जाँच शुरू कऽ देलक अछि।
मधेपुरा सदर थानाक प्रभारी राज कुमार मण्डल सोमदिन कहलनि जे प्रथम दृष्टया एहि घटनाक कारण भूमि विवाद प्रतीत होइत अछि। पुलिस सभ कोणसँ मामिलाक जाँच कऽ रहल अछि। घटनाक बाद वरिष्ठ अधिकारी सेहो घटनास्थल पर पहुँचि जांच कऽ रहल छथि।
