‘अनुपम मुहिम’ द्वारा मिथिलाक्षर हेतु अनुपम भूमिकाक लेल शोभा झाकेँ वैदेही सम्मान

मिथिलाक्षर साक्षरता अभियानी छथि शोभा झा

*

पटना

*

विगत रवि, 17-12-2023 कऽ पटनाक मिथिला-मैथिलीक शीर्षस्थ संस्था चेतना समिति, विद्यापति भवन पटनामे, नारी शक्तिक अग्रणी अभियानी अनुपम झा द्वारा चलाओल गेल ‘अनुपम मुहीमक,अनुपम डेग’ अन्तर्गत विभिन्न क्षेत्रसँ जेना मिथिला पेंटिंग, साहित्यकार , कवि , पत्रकार, कलाकार एवं समाजसेवीकेँ ‘वैदेही सम्मानसँ सम्मानित कयल गेल। एहिमे मिथिलाक्षरक लेल मूल अभियान मिथिलाक्षर साक्षरता अभियानक वरिष्ठ संरक्षिका शोभा झाकेँ ‘वैदेही सम्मान’सँ सम्मानित कयल गेल। मुख्य अतिथि राजद नेता आ पूर्व मंत्री अब्दुल बारी सिद्दीकी एवं विशिष्ट अतिथि कांग्रेस नेता डा मदन मोहन झा, बेनीपूरक विधायक डा मृणाल, चेतना समितिक वर्तमान अध्यक्षा निशा मदन झा एवं सचिव उमेश मिश्र समारोहमे उपस्थित छलैथ। एहि सम्मान समारोहमे पटनाक मिथिला-मैथिलीक अग्रगणी महिला संस्था सखी बहिनपा समूहकेँ वैदेही सम्मानसँ सेहो सम्मानित कयल संगहि आर अन्य गोटेकेँ विभिन्न क्षेत्रमे विशिष्ट योगदानक लेल ‘वैदेही सम्मान’ देल गेल।