अयाची नगर युवा संगठनक सातम स्थापना दिवस पर देल गेल मिथिला ग्लोबल अवार्ड

मधुबनी समदिया

*

विगत रवि कऽ आयाची नगर युवा संगठन(फाउंडेशन) क तत्त्वाधानमे सातम स्थापना दिवस मनाओ गेल। ज्ञातव्य होई की ई संगठन द्वारा विगत तीन साल (2021) सँ अपन स्थापना दिवसक अवसर पर विभिन्न क्षेत्र मे उत्कृष्ट कार्य कर वाला सामाजिक कार्यकर्ता सबकेँ “मिथिला ग्लोबल अवार्ड” सँ समानित कयल जा रहल अछि। एहि बेर ई कार्यक्रमक आयोजन शांति कुंज ऑडिटोरियम भट्टपूरा, सरिसब-पाहिमे कयल गेल जाहिमे देशक विभिन्न भागसँ आयल सामाजिक कार्यकर्ता सबकेँ हुनक उत्कृष्ट कार्यख हेतु मिथिला ग्लोबल अवार्ड – 2023 प्रदान कैल गेल जाहि मे – डॉ फैजुल हसन (वर्तमानमे बिहार सरकारक स्वास्थ्य विभागक विशेष पदाधिकारी),केँ चिकित्साक क्षेत्र मे उत्कृष्ट कार्य हेतु, राजेश चन्द्र मिश्रा (विद्या बिहार इंस्टिट्यूट ऑफ़ टेक्नोलॉजी, पूर्णियांक सचिव ) केँ शिक्षाक क्षेत्रमे, चेतन कुमार चंदन (आर्यागो कैब’क CEO) केँ बिहारक ग्रामीण क्षेत्रमे उद्यमिता क्षेत्र मे, रौशन झा केँ पत्रकारिता क्षेत्रमे, एन मंडल ( युवा फ़िल्म संपादक और निर्देशक) केँ सिनेमा जगतमे, एम चंद्रशेखर ( तेलंगाना) कुशल सामाजिक कार्यकर्ता चिकित्सा, पर्यावरण और महिला जागरूकताक क्षेत्रमे, जतिन कुमार ( झारखंड), भारत सरकारक स्वच्छ भारत मिशन झारखंडक ब्रांड एंबेसडर संगे राष्ट्रपति सम्मानसँ सम्मानित कुमारकेँ सामाजिक क्षेत्रमे, प्रमेश विजयवाड़( छत्तीसगढ़) केर कोविड महामारीक दौरान मानवीय सहायता प्रदान करवा हेतु, बिट्टू लाहा ( पश्चिम बंगाल) जे की राष्ट्रपति सम्मानसँ पुरस्कृत छैथ- हिनका सामाजिक चेतना, जल संरक्षण, साक्षरता कार्यक्रम, पर्यावरण संरक्षण संग नारी जागरूताक क्षेत्रमे, अनूप बिस्वास ( पश्चिम बंगाल) केँ पर्यावरण संग चिकित्साक क्षेत्रमे उत्त्कृष्ट कार्य, आफरीन बरकत ( J &K) के नारी जागृतिक क्षेत्रमे, रानी राज( झारखंड) जे की वर्तमान मे अंकेक्षण अधिकारी पंचायती राज विभाग, बिहार सरकारमे कार्यरत छैथ। हिनका आदिवासी क्षेत्रमे जन जागरूकता, भाषा संरक्षण आ मानवीय सेवाक लेल, देवर मनोज खन्ना ( तेलंगाना) केर सामाजिक कार्यकर्ताकेँ रूपमे उत्कृष्ट कार्यक लेल मिथिला ग्लोबल अवार्ड प्रदान कैल गेल।

जनाबैत चली जे आयाची नगर युवा संगठन (फाउंडेशन) केर संस्थापक विक्की मंडल संग संगठनक सदस्य लोकैन अनेक सामाजिक कार्यक्रम चलबैत रहैत छथि, जाहिमे रक्तदान शिविरक आयोजन, पर्यावरण संरक्षण हेतु वृक्षारोपण कार्यक्रम आ शिक्षाक क्षेत्रमे मेधावी छात्रवृत्ति कार्यक्रम, क्विज प्रतियोगिता आदिक आयोजन कयल जाइत अछि।