नरेन्द्र मोदी के छथि – लालू यादव
कहलनि लालू २०२४ मे आइएनडीआइए केर केंद्रमे बनत सरकार
*
पटना
*
आइ दिल्लीमे एन.डी.आई.ए. गठबंधनक बैसार होबयवला अछि। ओहिसँ पहिने राजद प्रमुख आ बिहारक पूर्व मुख्यमंत्री लालू प्रसादक बयान सामने आयल अछि। ओ सोमदिन कहलनि जे ओ २०२४मे प्रधानमंत्री नरेन्द्र मोदीकेँ फेरसँ केन्द्रमे सरकार नहिं बनबय देताह। राजद प्रमुख अपन छोट बेटा आ उप मुख्यमंत्री तेजस्वी यादवक संग राष्ट्रीय राजधानी रवाना होबएसँ पहिने पटना हवाई अड्डा पर संवाददाता सबसँ कहलनि, “हम इंडिया ब्लॉक केर बैठकमे जा रहल छी आ हम नरेंद्र मोदीकें कोनो कीमत पर केंद्रमे सरकार नहिं बनबय देब।”
ई पूछला पर कि की पीएम मोदी २०२४ मे फेर सँ सत्तामे आबय केर गारंटी दऽ रहल छथि, लालू प्रसाद पूछलनि, “नरेंद्र मोदी के छथि?”
ओ कहलनि, “हम दिल्लीमे बैसारक लेल जा रहल छी आ वोटक बंटवारासँ बचय लेल हम एक सीट, एक उम्मीदवारक फार्मूला पर चुनाव लड़ब। ओ दावा कयलनि जे एहि बेर हम केन्द्रमे सरकार बनायब।
बिहारक मुख्यमंत्री नीतीश कुमारक सेहो एन.डी.आई.ए. गठबंधनक बैसारमे भाग लेबाक लेल सोम साँझ चारि बजे पटना हवाई अड्डासँ दिल्ली लेल रवानाक कार्यक्रम छल। बैसारक एजेंडा एखन धरि आधिकारिक रूपसँ जारी नहिं कयल गेल अछि, मुदा सीटक बंटवाराकेँ मुख्य मुद्दा मानल जा रहल अछि। एन.डी.आई.ए. गठबंधनक ई चारिम बैसार होयत। एहिसँ पहिने ई बैसार पटना, बेंगलुरु आ मुम्बईमे भऽ चुकल अछि।
