निशांत कुमार “सद्भव यात्रा” नामसँ बिहार भरि यात्रा करताह
पटना। समदिया
पूर्व मुख्यमंत्री नीतीश कुमारक बेटा निशांत कुमार पार्टीमे सक्रिय भूमिका निभाबय लगलाह। हुनक सद्भाव यात्राक तैयारी आब अंतिम चरणमे अछि। 3 मईसँ ओ बिहारक विभिन्न जिलाक दौरा करताह। पार्टीक प्रदेश अध्यक्ष उमेश कुशवाहा काल्हि (मंगलदिन) कार्यक्रमक पूरा विवरण देलनि। ओ जानकारी देलनि जे निशांत कुमारक रथ तैयार अछि।
यात्राक पहिल चरण 3 मईसँ शुरू भ रहल अछि। निशांत कुमार पश्चिम चंपारणक बगहासँ अपन यात्रा शुरू करताह। एहि यात्राक नाम “सद्भाव यात्रा” राखल गेल अछि। निशांत 3 आ 4 मई केँ पश्चिम चंपारणमे रहताह आ एकटा होटलमे कार्यकर्तासँ भेंट करताह।
एकर अलावा जमीनी स्तर केर कार्यकर्तासँ सेहो भेंट करताह। प्रेस कांफ्रेंसक दौरान उमेश कुशवाहा कहलनि जे निशांत कुमारक प्राथमिक उद्देश्य पार्टीक सभ नेता आओर कार्यकर्ताकेँ संग लाबय केर अछि। भ्रमणक दौरान ओ बूथ स्तरसँ नीचा सभ कार्यकर्ता आ नेतासँ भेंट करताह आओर हुनकासँ सीधा संवाद करताह।
निशांत कुमार 3 आ 4 मईकेँ बगहामे रहताह, ओकर बाद ओ पटना वापस आबि जेताह। दोसर भ्रमण 7 अप्रैलकेँ वैशालीमे होयत, मात्र 3, 4 आ 7 अप्रैलकेँ भ्रमणक जानकारी देल गेल अछि। ओना निशांत सभ जिलाक दौरा करताह। अन्य जिलाक लेल तिथि फाइनल होइते जानकारी देल जायत।
उमेश कुशवाहा बतैलनि कि निशांत कुमार अपने एही दौराक नाम “सद्भाव यात्रा” चुनलनि आ कहलनि कि “हमरा सभकेँ आपसी सौहार्द पैदा कय सभसँ मिलबाक अछि, एही कारणसँ एकर नाम सद्भाव यात्रा पड़ल।”
