कुल ७२ मंत्री, उत्तर प्रदेशसँ ०९ आ बिहारसँ ०८ मंत्री लेलनि शपथ
*
नई दिल्ली समदिया
*
७३ वर्षीय नरेंद्र मोदी भारतक पहिल प्रधानमंत्री जवाहरलाल नेहरूक उपलब्धिक बराबरी करैत तेसर बेर रविदिन राष्ट्रपति भवनक प्रांगणमे प्रधानमंत्री पदक गोपनीयताक शपथ राष्ट्रीय जनतांत्रिक गठबन्धन सरकारमे लेलनि। जवाहरलाल नेहरू 1952, 1957 आ 1962 केर आम चुनावमे जीतल छलाह आ तीन बेर प्रधानमंत्री पदक शपथ लेने छलाह।
प्रधानमंत्री नरेन्द्र मोदीक शपथ ग्रहण समारोह 09 जून, 2024 साँझ लगभग 07:15 बजे निर्धारित छल। नरेंद्र मोदी शपथ समारोह स्थल पर 07:14 बजे पहुँचलाह आ माननीय राष्ट्रपति 07:14 बजे पहुँचलीह। नरेंद्र मोदी प्रधानमंत्री रूप मे शपथ लेबाक लेल मंच पर 07:24 बजे पहुंचला आ 07:26 बजे शपथ समाप्त केलाह। एकर बाद राजनाथ सिंह, अमित शाह, नितिन गाड़करी, जे पी नड्डा, शिवराज सिंह, निर्मला सीतारमण, एस जयशंकर, मनोहर लाल खट्टर, कुमार स्वामी देवेगौड़ा, पियूष गोयल, धर्मेंद्र प्रधान, जीतन राम मांझी, राजीव रंजन सिंह उर्फ़ लल्लन सिंह, सर्वानंद सोनेवाल, वीरेंदर कुमार आ अन्य सांसद मंत्रीक रूप मे गोपनीयताक शपथ लेलनि।
एही समारोहक अतिथिमे मालदीवक राष्ट्रपति मोहम्मद मुइज्जू, मॉरीशसक प्रधानमन्त्री प्रविन्द कुमार जगन्नाथ आ भूटानक समकक्ष शेरिंग तोबगे सम्मिलित छलाह। उपस्थित अन्य विश्व नेतामे बांग्लादेशक राष्ट्रपति शेख हसीना, सेशेल्सक उपराष्ट्रपति अहमद अफीफ, नेपालक प्रधानमन्त्री पुष्प कमल दहल ‘प्रचण्ड’ आ श्रीलंकाक राष्ट्रपति रानिल विक्रमसिंघे-1 शामिल छलाह।
कुल 72 मंत्री गोपनीयताक शपथ लेताह जाहिमे सँ समाचार सम्प्रेषण तक 46 मंत्री शपथ लय चुकल छलाह आ शपथ ग्रहण समारोह चलि रहल छल।
