गणतंत्र दिवसक अवसर पर जिला मुख्यालयमे प्रभारी मंत्री लेशी सिंहक द्वारा झंडातोलन कयल गेल। ओ जिलावासीकेँ एहि अवसर पर शुभकामना देलथि। ७५म गणतंत्र दिवस वाट्सन उच्च विद्यालय केर प्रांगणमे आयोजित छल। क्रायक्रममे विभिन्न विभागक मनोरम झांकी सेहो प्रस्तुत कयल गेल। गणतंत्रता दिवसक अवसर पर महिला एवं बाल विकास निगम द्वारा मुख्यमंत्री कन्या उत्थान योजनाक लाभक बारेमे विस्तृत प्रदर्शनी लगाओल गेल छल। एही अवसर पर ग्रामीण क्षेत्रमे जागरूकता लेल एकटा रथ केर रवाना कयल गेल। एही माध्यमसँ जिला प्रशासन जिलावासीकेँ पर्यावरण संरक्षण लेल जागरूक करवाक कोशिशमे अछि। जाहि कारण वृक्ष रोपण, वर्षा जल संचयन, इनार केर उड़ाही इत्यादि अछि।
कार्यक्रममे जिलाधिकारी अरविन्द कुमार वर्मा, पुलिस अधीक्षक सुशिल कुमारक संग अन्य गणमान्य उपस्थित छलाह।
