जिला प्रशासन सभ जिलावासीक अपेक्षा पूरा करबाक लेल दृढ़ संकल्पित अछि
*
मधुबनी समदिया
*
जिलाधिकारी नव वर्षक पूर्व संध्या पर समस्त जिलावासीकेँ हार्दिक शुभकामना दैत कहलनि जे नव वर्ष सबहक जीवनमे नव उमंग, प्रेम, भाईचारा आ सद्भावनाक वर्ष होय। ओ कहलनि जे जिला प्रशासन सभ जिलावासीक अपेक्षा पूरा करबाक लेल दृढ़ संकल्पित अछि। कानून-व्यवस्थाक संग-संग सरकारक सभ कल्याणकारी योजनाक लाभ जनताकेँ देबाक संकल्पक संग स्वच्छ शासन हमर सर्वोच्च प्राथमिकतामे अछि। जल-जीवन-हरियाली अभियानक संग जिला प्रशासन नशामुक्ति, दहेज प्रथा आ बाल विवाह उन्मूलन सन सामाजिक सुधार अभियानमे व्यापक जनसहभागिता करबाक लेल दृढ़ संकल्पित अछि। सरकारक सात निश्चय योजना शत प्रतिशत कार्यान्वयन प्राथमिकतामे सम्मिलित अछि। ओ कहलनि जे जिलामे गुणवत्तापूर्ण शिक्षाक लेल नीक वातावरण बनेबाक आ स्वास्थ्य सेवामे आओर बेसी सुधार लेल निरन्तर प्रयास कयल जायत।
