पहिल पेपर प्रिंसिपल्स एंड प्रैक्टिस ऑफ़ एकाउंटिंगक परीक्षा 2023 के अंतिम दिन संपन्न भेल आ बाकी पेपरक परीक्षा 2,4,6 जनवरी, 2024 केँ होयत।
*
मधुबनी समदिया
*
इंस्टीट्यूट ऑफ चार्टर्ड अकाउंटेंट्स ऑफ इंडिया (आईसीएआई) सीए फाउंडेशन 2023 दिसंबर सत्रक परीक्षा काल्हिसँ आईसीएआईकेँ सभ चयनित केंद्र पर आरम्भ भेल। प्रिंसिपल्स एंड प्रैक्टिस ऑफ़ एकाउंटिंगक परीक्षा 31 दिसंबर, 2023 कय संपन्न भेल। परीक्षाक प्रांगण/हॉलमे प्रवेशक समय 1 बजेसँ निर्धारित अछि। परीक्षा दिन के 2 बजेसँ आरम्भ भेल। शुरू के दूटा पेपर 3 घंटा आ बादक दूटा पेपर 2 घंटा के अछि। सीए फाउंडेशनक समय सारणीक अनुसार, सीए फाउंडेशन दिसंबर 2023 केँ परीक्षा 2023 केँ अंतिम दिन (रविदिन) संपन्न भेल आ बचल तीनटा पेपर नववर्षक 2024 केँ जनवरी 2,4,6 केँ होयत। मधुबनी जिलामे एहि परीक्षाक केंद्र सेंट्रल पब्लिक स्कूलक जलधारी चौक शाखामे अछि। परीक्षाक केंद्र संख्या 333 केर केंद्राधीक्षक डॉ के के वर्मा कहलनि जे परीक्षा पूरा तैयारीक संग लेल जा रहल अछि। वर्त्तमानमे देशमे कोवीड-19 के मरीज बढ़ि रहल अछि, बिहार राज्यमे एकर सेहो पुष्टि भेल अछि ताहि कारणसँ परीक्षा केंद्र पर पूरा सावधानीसँ परीक्षाक प्रबंध अछि। बिना मास्कक केंद्रमे प्रवेश वर्जित अछि। यदि किनको लग मास्क नहिं छाईन तऽ केंद्र पर उपलब्ध अछि आ सैनिटाइजरक पूर्ण व्यवस्था कायल गेल अछि। पहिले थर्मोगनसँ परीक्षार्थीक/परीक्षकक शरीरक तापमान लेल जायत अछि तकर बाद मास्कक वितरण होयत अछि। केंद्र पर आईसीएआई केर नियम आ केंद्र/राज्य सरकारक मानक संचालन प्रक्रियाक पालन करैत परीक्षा लेल जा रहल अछि। परीक्षार्थी आ अभिवावकसँ सहयोग भेटि रहल अछि आ अपेक्षा अछि जे आगूओ भेटैत रहत। केंद्राधीक्षक डॉ वर्मा सभ अभ्यर्थीकेँ शुभकामना देलनि।
