इजराइल कयलक हिज्बुल्लाक ठिकाना पर हमला

नई दिल्ली। समदिया

इजराइली प्रधानमंत्री बेंजामिन नेतन्याहू केर कार्यालय कहलक कि इ हमला उत्तरी इजराइलमे हिज्बुल्लाक हमलाक जवाबमे कयल गेल। इजराइल जखनि एक सप्ताह पहिने आखिरी बेर बेरूतक उपनगर पर हमला कयने छल, तँ ईरान एकर जवाबमे इजराइल पर हमला कयने छल।

हिज्बुल्लाक मुख्य समर्थक मानल जाय वला ईरान कहलक अछि कि अमेरिका-ईरान युद्धविराम समझौतामे लेबनानमे कोनो तरहक इजराइली हमलाकेँ सेहो रोकल जयबाक शामिल होयबाक चाहि। हिज्बुल्ला दू मार्चकेँ इजराइल पर मिसाइल दागने छल। एही हमलाकेँ अमेरिका आ इजराइल द्वारा ईरान पर कयल गेल हमलाक दू दिन बाद अंजाम देल गेल छल।

इजराइल आ हिज्बुल्लाक बीच जारी जंगक बीच पाकिस्तानक प्रधानमंत्री शहबाज शरीफ दावा कयलनि कि अमेरिका आ ईरान पश्चिम एशियामे युद्ध समाप्त करय लेल एक समझौताक शर्तों पर सहमत भ गेल अछि। शरीफ कहलनि कि अमेरिका आ ईरान एक अंतिम, आपसी सहमति वला मसौदाक शर्तों पर राजी भ गेल अछि। ओ कहलनि कि पाकिस्तान मध्यस्थताक कोशिशमे पहल कयलक अछि आ ओ एही दुनू देशक संग मिलकय अगिला कदम पर काज कय रहल अछि। अमेरिका आ इजराइल द्वारा ईरानक खिलाफ 28 फरवरीकेँ शुरू भेल युद्ध पश्चिम एशियामे उथल-पुथल मचा देलक अछि आ फारसक खाड़ीसँ तेल आ प्राकृतिक गैसक आपूर्ति लगभग बंद भ गल अछि। सात अप्रैलसँ दुनू पक्षमे युद्धविराम लागू अछि।