ईरानक जंग आब पूरा तरहेँ वापस लौटल
——————बहरीन, कुवैत, ओमान आ जॉर्डनमे अमेरिकी सैन्य ठिकाना पर मिसाइल आ ड्रोनसँ हमला : ईरान
नई दिल्ली। समदिया
ईरान दावा कयलक अछि कि ओ अमेरिका द्वारा ईरानक दक्षिणी तटीय इलाका पर दोबारा कयल गेल हमलाक जवाबमे बहरीन, कुवैत, ओमान आ जॉर्डन स्थित ओकर सैन्य ठिकानाकेँ निशाना बनौलक अछि। ईरानक इस्लामिक रिवोल्यूशनरी गार्ड कॉर्प्स (आईआरजीसी) एकरा अपन जवाबी कार्यवाहीक पांचवा चरणक हिस्सा बतौलक अछि। अल जजीरा आईआरजीसी केर हवाले सँ बतौलक कि, ओ बहरीनक जुफैर स्थित अमेरिकी सैन्य प्रतिष्ठान आ ओमानमे लंबी दूरी केर एफपीएस हवाई निगरानी रडार आ पोत पहिचान (वेसल डिटेक्शन) रडार पर मिसाइल आ ड्रोन हमला कयलक। आईआरजीसी दावा कयलक कि ओमानमे मौजूद दुनू रडार प्रणाली पूरा तरहेँ नष्ट कय देल गेल अछि। आईआरजीसी चेतावनी देलक कि होर्मुज स्ट्रेटकेँ जहाजक आवाजाहीक लेल सुरक्षित आ खुला राखय केर एकमात्र तरीका इ अछि कि अमेरिका एही क्षेत्रमे अपन सैन्य हस्तक्षेपकेँ समाप्त करय आ तटीय देशक समुद्री संप्रभुताक सम्मान करय।
आईआरजीसी कहलक कि जँ अमेरिकी हस्तक्षेप जारी रहत तँ वैश्विक तेल आ गैस क्षेत्रमे एहीसँ पैघ संकट आ घटना देखय लेल भेट सकैत अछि।
एहीसँ पहिने अपन जवाबी कार्यवाही केर चारिम चरणमे आईआरजीसी कुवैतमे अमेरिकी सैन्य अड्डा पर हमला करबाक सेहो दावा कयलक। ओकर अनुसार, हमलामे अमेरिकी सतहसँ सतह पर मार करय वला मिसाइल बेसकेँ निशाना बनाओल गेल, जतय दू एचआईएमएआरएस मिसाइल लॉन्चर आ मिसाइसँ भरल गोदाममे आगि आगि गेल। एही हमलामे ओ पूरा तरहसँ नष्ट भ गेल।
ओम्हर, ईरानक एकटा समाचार एजेंसी दावा कयलक अछि कि बंदर अब्बास क्षेत्रमे अमेरिकी निर्मित “लुकास” आत्मघाती ड्रोनकेँ ईरानी वायु रक्षा प्रणाली मारि कय खसा देलक। एजेंसीक अनुसार, ड्रोनकेँ सटीक निशाना बना कय नष्ट कय देलक।
एही बीच, बहरीनक गृह मंत्रालय एक बेर फेर एयर रेड सायरन बजय केर पुष्टि कएलक अछि। मंत्रालय नागरिक आ देशमे रहि रहल लोकसँ शांत रहबाक, निकटतम सुरक्षित स्थान पर जाय आ मात्र आधिकारिक माध्यमसँ जारी निर्देशक पालन करबाक अपील कयलनि। बहरीनमे पिछला किछु घंटक दौरान ईरानी हमलक मद्देनजर कतेको बेर अलर्ट जारी कयल गेल।
ईरानक जंग आब पूरा तरहेँ वापस आबि चुकल अछि। एही लड़ाईक असर काल्हि यमनमे देखायल। सऊदी अरब सना इंटरनेशनल एयरपोर्ट पर लैंड भ रहल एक जहाज पर हमला कयलक। इ विमान ईरानक महान एयरवेजक अछि। यात्रीसँ भरल एही विमान पर सऊदी अरब तहन हमला कयल जखनि इ विमान एयरपोर्ट पहुंचय वला छल।
हूती आतंकवादी समूह सोमदिन सऊदी अरब पर आरोप लगौलक कि ओ ईरानक एक विमानकेँ सना इंटरनेशनल एयरपोर्ट पर उतरयसँ रोकय लेल हवाई हमला कएलक। सऊदी अरब एही आरोप पर कोनो जवाब नहि देलक अछि।
हूती समर्थित अल-मसीराह टेलीविजन चैनल कहलक, हमलामे एयरपोर्टक लैंडिंग आ टेकऑफ़ रनवे केर निशाना बनौलक। हूती नियंत्रित राजधानीक निवासी धमाकक आवाज़ सुनय आ ऊपर जेट विमानकेँ चक्कर लगबैत देखल गेल।
रनवे पर हमलाक बाद धुंआक गुबार निकलैत देखल गेल। रनवे पर हमलाक बाद अफरा-तफरी मची गेल आ तत्काल दोसर विमानक लैंडिंग रोकल गेल। हूती विद्रोहीक सैन्य प्रवक्ता याह्या सरी कहलनि, “एक अन्यायपूर्ण हमलामे, सऊदी दुश्मन सना इंटरनेशनल एयरपोर्ट पर कतेको हवाई हमला कयलक।”
यमनमे ईरानक समर्थन वला हूती विद्रोही काल्हि सोमदिन कहक कि ओ सना एयरपोर्ट पर भेल हमलाक जवाब देत।
जनतब दी जे सऊदी अरब आ हूतीमे लंबा समय केर बाद इ असामान्य रूपसँ तनाव बढ़ाबय वला कदम होयत। सऊदी अरब हालक वर्षमे हूती विद्रोहीक संग शांति बना कय रखबाक कोशिश कएलक अछि। एहीसँ पहिने हूती विद्रोही सऊदी अरबमे तेल उत्पादन केंद्रों पर हमला कयने छल। एकर बाद दुनू देशक बीच अपेक्षाकृत शांति बनल छल। मुदा एही घटनाक बाद सऊदी आ हूतीमे तनाव बढ़ि सकैत अछि।