मिथिला क्षेत्रीय बिहारक भागलपुर जिलाक गोपालपुर थाना क्षेत्रमे मंगल कऽ देर साँझ ऑनर किलिंगक मामला सोझाँ आयल अछि, जतय बहिनक प्रेम विवाहसँ आक्रोशित एकटा युवक अपन बहिन, बहनोई आ भगिनीक गोली मारि हत्या कऽ देलक।
पुलिसक अनुसार ई पूरा मामिला नवटोलियाक अछि। कहल जाइत अछि जे प्रेम सम्बन्धमे विवाहसँ क्रोधित लोकसभ एहि घटनाकेँ अंजाम देने छथि।
मृतकक पहिचान चन्दन कुमार, हुनक पत्नी चंदा कुमारी आ बेटी रोशनी कुमारीक रूपमे भेल अछि। चन्दाक अढ़ाई साल पहिने गामक चन्दन कुमारसँ प्रेम विवाह भेल छल, जाहिसँ हुनक परिवारक सदस्य नाराज छल।
चन्दन मंगल कऽ देर साँझ अपन पत्नी आ बेटीक संग कतहु जा रहल छलाह, तखनि चन्दाक पिता पप्पू सिंह अपन बेटीक माथपर लोहाक छड़सँ प्रहार कयलनि। तखन ओ अपन बेटा धीरज सिंहकेँ घटनास्थल पर बजौलनि। आरोप अछि जे ओ चन्दा, चन्दन आ रोशनीकेँ गोली मारि भागि गेल।
भागलपुरक पुलिस अधीक्षक सुशांत कुमार सरोज कहलनि जे आरोपीक पहिचान कऽ लेल गेल अछि। ई प्रथम दृष्टया ऑनर किलिंगक मामला अछि। पुरा मामिलाक जाँच आ आरोपीक गिरफ्तारीक लेल दू टा टीमक गठन कय देल गेल अछि। आरोपी सभक गिरफ्तारीक लेल छापामारी कयल जा रहल अछि।
