मंगल कऽ स्कूल परिवारक तरफसँ मिडिल स्कूल बरसम, ग्राम पंचायत खजुरी सिमरी बख्तियारपुरक मेहनती शिक्षक हीरालाल ओझाक विदाई समारोहक आयोजन कयल गेल। प्रधानाध्यापक बालेश्वर सहनी कहलनि जे, 31 मार्च रवि आ एक अप्रिल जिला स्थापना दिन हेबाक कारणे विदाई समारोहक आयोजन आई कयल गेल। प्रधानाध्यापक कहलनि जे हीरालाल ओझा अपन कर्तव्यक निर्वहन बहुत नीकसँ कयलनि। आजुक समयमे हुनका सन ईमानदार शिक्षक भेटब मुश्किल अछि। समयसँ 10 मिनट पहिने स्कूल एबाक हुनकर रिकॉर्ड अंतिम दिन तक बनल रहल। विदाई समारोहक अवसर पर हीरालाल ओझा कहलनि जे शिक्षक स्कूलक आत्मा होइत छथि। माता-पिताक बाद गुरुक तेसर स्थान छै। गुरुक देखाओल गेल मार्ग पर चललासँ बच्चा दुनियाक उच्चतम स्थान प्राप्त कय सकैत अछि। विदाई समारोहक दौरान स्कूल परिवार सहित ग्रामीण बहुत द्रवित छल।विदाई समारोहमे प्राचार्य बालेश्वर सहनी, संतोष कुमार झा, सुरेश प्रसाद सिंह, पुरुषोत्तम मिश्र, मनोज चौधरी, जयप्रकाश प्रसाद, सुलेखा कुमारी, रानी कुमारी, मनीषा कुमारी, ज्योति कुमारी, बलही स्कूलक प्राचार्य मनोज कुमार ठाकुर, सत्येन्द्र यादव, पूर्णेन्दु जी, प्राचार्य भगवानपुर स्कूल अभिषेक सिंह, उर्दू मिडिल स्कूल चपराम, गोपाल मिश्र विद्यालय शिक्षा समितिक अमित कुमार सहित अधिक संख्यामे ग्रामीण सभ उपस्थित छलथि।
