अयोध्याक नवनिर्मित भव्य, दिव्य एवं अलौकिक श्री राम मंदिरमे रामललाक घरवास आ प्राण प्रतिष्ठाक अवसर पर युवा संघ वीरगांव द्वारा क्षेत्रमे उत्सवी माहौलमे भव्य शोभा यात्रा निकालल गेल। वीरगांव स्थित राधा कृष्ण ठाकुरबारीसँ पंचायतक विभिन्न गाममे शोभायात्रा निकालल गेल, जाहिसँ माहौल भक्तिपूर्ण भऽ गेल। पूर्व मुख्य सह रालोजेडी प्रदेश महासचिव शिवेन्द्र कुमार सिंह, पूर्व प्रमुख समरेन्द्र कुमार सिंह, मुकेश कुमार सिंहक संग-संग, राम, लक्ष्मण, सीता, महादेव, बजरंगवाली, विश्वामित्रक नेतृत्वमे हजारो महिला एवं पुरुषक समूह रथ पर सवार रहल। ओतहि भव्य शोभायात्रामे सैकड़ों मोटरसाइकिल, दर्जनो चारपहिया, ट्रैक्टर आ पैदल लोक केर संग, ठाकुर राधा कृष्ण ठाकुरबारीसँ निकलैत, ब्रह्मस्थान, विषहरा स्थान, नायाटोला, भेलाही, जुम्मा चौक, होइत बघवा, गंडोल पहुंचल आ बचेश्वरनाथ महादेव मंदिर पहुँचल। वापसी पर मोहनपुर, बहारमपुर, गंडोल होइत ठाकुरबाड़ी पहुँचल। राधा कृष्ण ठाकुरबारीमे हजारो भक्त आ सनातन प्रेमी अपन उपस्थिति दर्ज करा अपन आस्थाक प्रदर्शन केलनि । ठाकुरबारीमे प्रसादक वितरण कयल गेल।एहि जुलूसमे मुख्य रूपसँ पूर्व मुखिया बैजनाथ कुमार विमल, सतेन्द्र कुमार सिंह लड्डू, सरपंच सत्यनारायण राय, उप सरपंच विन्देश्वरी राय, नागेन्द्र पासवान, शिवनारायण साह, भज्जी सिंह, लल्लू सिंह, संजीत पासवान, श्यामसुन्दर राय, चंद्रमोहन राम, जोखन राम, बेचन राय, केवल राय, गौरव सिंह, राजा राय, नीतीश राय, सुमन राय, गणेश साह, रमेश साह, विश्वनाथ साह, बहादुर पासवान, हीरा पासवान सहित अन्यान्य लोक उपस्थित छलैथ।
