मंगल कऽ रुन्नीसैदपुर-औराई-कटरा मार्ग पर ठाहर गाम लग बाइक आ ट्रकक बीच आमने-सामने भेल टक्करमे एकटा युवकक मृत्यु भऽ गेल। बाइक पर सवार दूटा अन्य युवककेँ घायल स्थितिमे स्थानीय सामुदायिक स्वास्थ्य केन्द्र आनल गेल। स्थितिक गम्भीरताक कारण हुनका तत्काल एसकेएमसीएच मुजफ्फरपुर रेफर कऽ देल गेल। मृतकक पहिचान मुजफ्फरपुरक औराई थाना क्षेत्रक नयागांव गाम निवासी रामदास बैठाक पुत्र सूरज कुमार (१८) के रूपमे भेल । घायलक पहिचान नयागाँवक निवासी लालबाबू साहक पुत्र सुधीर साह (२५) आ राजू रामक पुत्र अर्जुन कुमार (२२) भेल । दुर्घटनाक बाद ट्रक चालक घटनास्थलसँ भागि गेल। एहि घटनासँ आक्रोशित स्थानीय लोकसभ सड़क अवरुद्ध कऽ देलनि। सूचना भेटैत स्थानीय पुलिस घटनास्थल पर पहुँचल आ जाम हटयबामे बहुत कठिनाई भेल। पुलिस ट्रक बीआर११टी/३१११ आ बाइक एचएफ डीलक्स बीआर०६ डीबी/८१५९ जब्त कयलक अछि। शवकेँ पोस्टमार्टम लेल सदर अस्पताल पठाओल गेल अछि।
