ब्लैकआउटक दौरान भेल हत्याक लेल जबाबदेह सरकार : तेजस्वी यादव

पटना। समदिया

पिछला बृहस्पतिकेँ (14 मई, 2026) 7:15 ब्लैकआउट भेल छल। राजधानी पटना सहित छह जिलामे। एहि दौरान पटनाक मुसल्लाहपुरमे एकटा मसाला व्यापारी पिंटू केर गोली मारि कय हत्या कय देल गेल। राजद नेता तेजस्वी यादव सरकार पर सवाल उठेलथि अछि।

15 मई 2026 केँ अपन एक्स हैंडलसँ एकटा पोस्टमे तेजस्वी कहलनि जे बिहारमे सरकार आधिकारिक तौर पर अपराधीक सहयोगी बनि गेल अछि। सरकार ब्लैकआउट लगा देलक आ पटनामे अपराधी एहि ब्लैकआउट कय सुनहरा अवसरमे बदलि एकटा व्यवसायी कय गोली मारि देलक। ब्लैकआउट केर पांच मिनट बाद भेल ई आपराधिक काज कतेको गंभीर सवाल उठबैत अछि। ब्लैकआउटक अन्हार केर फायदा उठाबैत अपराधी सभ भागि गेल आ व्यवसायी अस्पतालमे मरि गेल।

ओ कहलनि, इ सवाल उठैत अछि जे अपराध रोकबा आ अपराधी केर गिरफ्तार करय लेल चुनल गेल सरकार अपराधीक सहयोगी कोना बनि गेल। अपराधी सभ ब्लैकआउटक केर कोना साजिश रचय आ हत्याक मौकाक रूपमे चुनलक आ हत्याकेँ सफलतापूर्वक कोना अंजाम देलक।

तेजस्वी यादव घटनाक उच्च स्तरीय जांचक आह्वान कयलनि आ कहलनि, एही सरकारी चूकक समीक्षा कयल जाय आ ई सुनिश्चित कयल जाय कि अपराधी आ सरकारमे मौजूद लोकक बीच कोनो तरहक मिलीभगत वा  साजिश नहि होय। आब देखबाक अछि जे तेजस्वी यादव द्वारा उठाओल गेल एहि सवाल पर भाजपा की प्रतिक्रिया दैत अछि।