समस्तीपुर रेलवे डिवीजनक यात्री लेल नीक खबरि अछि। पीएम मोदी २८ टा योजनाक लाभ देबए जा रहल छथि। प्रधानमंत्री नरेन्द्र मोदी २६ फरवरीकेँ वर्चुअल रूपसँ शिलान्यास आ उद्घाटन करताह। ओ वीडियो कॉन्फ्रेंसिंग केर माध्यमसँ सोनपुर रेलवे डिवीजनक समस्तीपुर जिलाक अंतर्गत शाहपुर पटोरी रेलवे स्टेशनक आधारशिला सेहो रखताह। समस्तीपुरक डीआरएम विनय श्रीवास्तव एकर तैयारीक जानकारी दैत कहलनि जे समस्तीपुर रेल डिवीजनक अन्तर्गत नौ टा रेलवे स्टेशन, १९ आरओबी आ एएलसी सम्मिलित अछि। दलसिंहसराय स्टेशन लग स्थित ३२ नंबर रेलवे गुमटी पर आरओबी आ शाहपुर पटोरी रेलवे स्टेशनक सौंदर्यीकरणक आधारशिला रखबाक अछि। कहैत चली जे ३२ नंबर रेलवे गुमटी पर आरओबीक निर्माणक माँग कतेको सालसँ छल। एकर निर्माणक बाद लोकसभकेँ एतय जामक समस्यासँ मुक्ति भेटत।
डीआरएम विनय श्रीवास्तव कहलनि जे अमृत भारत स्टेशन योजनाक अन्तर्गत समस्तीपुर रेलवे डिवीजनक ९ टा रेलवे स्टेशनक पुनर्विकास कयल जायत।
एहिमे मिथिला क्षेत्रक चकिया रेलवे स्टेशन, मोतीपुर रेलवे स्टेशन, गोरसहन रेलवे स्टेशन, मधेपुरा रेलवे स्टेशन, सुपौल रेलवे स्टेशन, रक्सौल रेलवे स्टेशन, समस्तीपुर रेलवे डिवीजनक लहेरियासराय रेलवे स्टेशन सम्मिलित अछि। प्रधानमंत्री २६ फरवरीकेँ वर्चुअल रूपसँ एहि सभ रेलवे स्टेशनक आधारशिला रखताह।
समस्तीपुर-खगड़िया रेलवे खंडक रोसड़ा-नयानगर स्टेशनक बीच रेलवे गुमटी नंबर १३ पर एलएचएसक निर्माण कयल जायत। एलएचएसक निर्माण गुमटी नंबर ७ मे जुब्बा सहनी आ पिपराक बीच कयल जायत। जुब्बा सहनी-पिपरिया के बीच गुमटी नंबर १० पर एलएचएस केर निर्माण, अंगार घाट-भगवानपुर देसुआक बीच रेलवे गुमटी नंबर ३० पर एलएचएस केर निर्माण, रोसरा-सिंघिया घाटक बीच गुमटी नंबर २० पर एलएचएस केर निर्माण, कृष्ण सिंह गढ़पुरा स्टेशनक एलसी नंबर बीए पर एलएचएस केर निर्माण, लहेरियासराय- दरभंगाक बीच गुमटी नंबर २१ पर ओवर ब्रिजक निर्माण। कांटी यार्डमे रोड ओवर ब्रिजक निर्माण, मोतिहारी-महबलक बीच एलसी नंबर १२४ पर रोड ओवर ब्रिजक निर्माण, दरभंगा-मोहम्मदनपुर रोडक बीच एनसी नंबर २८ पर रोड ओवरब्रिजक निर्माण आदिक शिलान्यास करताह।
