आन्दोलनकारी किसान लोकनि अपन फसलक न्यूनतम समर्थन मूल्यक कानूनी गारंटी आ अन्य माँगक समर्थनमे शनिदिन साँझ पंजाब आ हरियाणाक अंतरराज्यीय सीमापर मोमबत्ती जुलूस अर्थात केंडल लाईट मार्च निकाललनि।
किसान नेता सरवन सिंह पंधेर कहलनि जे जाबत धरि हुनकर माँग पूरा नहि भऽ जायत ताबत धरि ओ अपन आन्दोलन वापस नहिं लेताह।
ओ स्पष्ट कयलनि जे लोकसभा चुनावक लेल आदर्श आचार संहिता लागू भेलाक बादो हुनकर विरोध जारी रहि सकैत अछि।
१३ फरवरीकेँ राष्ट्रीय राजधानी दिसि मार्च रोकलाक बादसँ किसानक भीड़ हरियाणासँ सटल पंजाबक खनौरी आ शंभू सीमापर खुजल आकाशक नीचा डेरा डाललक अछि।
पंधेर कहलनि अछि जे ओ २९ फरवरीकेँ अपन अगिला कार्ययोजनाक घोषणा करताह।
