सम्राट कैबिनेटक बैसारमे काल्हि अहम प्रस्ताव पर लागल मुहर

पटना। समदिया

मुख्यमंत्री सम्राट चौधरी काल्हि कैबिनेट बैसार बजौने छलाह। बैसारमे कतेको महत्वपूर्ण एजेंडा पर मुहर लागल। बक्सर केर सेंट्रल जेल परिसरक भीतर स्थित भगवान वामन मंदिर केर विकास, सौंदर्यीकरण आ भक्त लेल सहज पहुँच सुनिश्चित करय केर एक महत्वपूर्ण निर्णय काल्हि लेल गेल। मंदिर परिसरक लेल निर्धारित जमीनकेँ सुरक्षित करय लेल सीमा देवाल वला सुरक्षा प्रणालीक विकासक निर्णय लेल गेल, जाहिसँ मंदिर परिसरक उचित विकास केर रास्ता खुकल।

बिहार मंत्रिमंडल आधुनिक, सुरक्षित आ पर्यावरणक अनुकूल सार्वजनिक परिवहन प्रणालीकेँ मजबूत करय लेल पीपीपी (सार्वजनिक निजी भागीदारी) मॉडल पर राज्यमे 31 बस स्टैंडक आधुनिकीकरण आ व्यापक विकास लेल सिद्धांतगत मंजूरी द देलक अछि। एहि योजनामे राज्यभरि केर विभिन्न जिलामे बस स्टैंड शामिल अछि, जाहिमे पटना, मुजफ्फरपुर, भागलपुर, गया, दरभंगा, पूर्णिया, मुंगेर, कटिहार, सहरसा, नवादा, मधुबनी आ किशनगंज शामिल अछि। इ आधुनिक यात्री प्रतीक्षा कक्ष, पार्किंग, व्यावसायिक सुविधा, डिजिटल सेवा, साफ-सफाई आ बेहतर यातायात प्रबंधन जँका सुविधाक संग विकसित कयल जायत।

“सोमनाथ स्वाभिमान पर्व – 1000 वर्ष अटूट आस्था” केर शुभ अवसर पर 20 जुलाई 2026 सँ बिहारसँ लगभग 1100 श्रद्धालु लेल दू दिनक “सोमनाथ यात्रा” केर आयोजन कयल जायत। बिहार मंत्री परिषद एहि यात्राकेँ सफल आ सुसंगठित आयोजनक मंजूरी द देलक अछि।

पूर्णिया पूर्व (मधुबनी, जिला पूर्णिया), राजगीर (पिलखी, जिला नालंदा), शेखपुरा (निमी, जिला शेखपुरा), मधेपुरा (साहुगढ़, जिला मधेपुरा) आ मधुबनी (सर्किल राजनगर, सतिहारपुर, जिला मधुबनी)। एहि पांच नव केंद्रीय विद्यालयक स्थापनासँ बिहारक छात्रकेँ गुणवत्तापूर्ण शिक्षा, आधुनिक शैक्षणिक संसाधन आ बेहतर सीखबाक माहौल उपलब्ध कराओल जायत।