महुआ मोइत्रा पर अंडासँ हमला, वीडियो शेयर कऽ भाजपाक कार्यकर्ता पर आरोप 

कोलकाता। समदिया

पश्चिम बंगालक नादिया जिलाक तृणमूल कांग्रेसक सांसद महुआ मोइत्रा बुधदिन (1 जुलाई 2026) भारतीय जनता पार्टीक समर्थक पर गंभीर आरोप लगौलनि। मोइत्रा एकटा वीडियो शेयर करैत दावा कयलनि जे पार्टी कार्यालयमे पार्टी कार्यकर्तासँ भेंटघांट केर दौरान भाजपा समर्थक द्वारा भारी संख्यामे हुनका पर अंडा आ तरकारी फेंकल गेल। ओ पश्चिम बंगाल पुलिस पर अंडा फेकय वला व्यक्तिक खिलाफ लापरवाही आओर निष्क्रियताक आरोप सेहो लगौलनि।

टीएमसीक सांसद महुआ मोइत्रा बुधदिन (1 जुलाई 2026) केर करीब 3:30 बजे सोशल मीडिया प्लेटफॉर्म एक्स पर एगो वीडियो शेयर कयलनि। वीडियोमे महुआ मोइत्रा पार्टी ऑफिस बिल्डिंगक खिड़कीसँ लोककेँ अंडा फेकैत देखा रहल अछि.

वीडियो पोस्टमे ओ आरोप लगौलनि जे, “भाजपा समर्थक एक घंटासँ बेसीसँ लगातार पार्टी कार्यालयक खिड़की पर अंडा आ तरकारी फेकैत रहल। हम डीजीपीसँ सेहो गप्प कयलहुं अछि। पुलिस काफी देर बाद मौका पर पहुंचल, मुदा हमलावरक खिलाफ कोनो कार्यवाही नहि कयलक आ बस तमाशा देखलक।”

ओ पश्चिम बंगाल सरकारकेँ सेहो निशाना बनेलथि। महुआ मोइत्रा वीडियोमे कहलनि कि बंगाल सरकार एही मामिलामे एफआईआर दर्ज करयसँ मना कय देलक अछि आओर पुलिस आ सीआरपीएफ खाली तमाशा देखैत अछि।

महुआ मोइत्रा पर ई हमला टीएमसीक राष्ट्रीय महासचिव अभिषेक बनर्जी आओर पार्टीक नेता कुणाल घोष पर अंडासँ हमलाक बाद भेल अछि। ई घटना 15 जूनकेँ ममता बनर्जी केर कालीघाट आवासक बाहर टीएमसी नेता कुणाल घोष पर अंडा खसला केर बाद घटित भ रहल अछि। टीएमसी केर सांसद अभिषेक बनर्जी पर सेहो 30 मई 2026केँ बंगालक सोनारपुरमे स्थानीय लोक अंडासँ हमला कयलक।