नीतीश कुमारक पार्टी स्पष्ट कऽ देलक अछि जे ओ इंडिया गठबंधन किएक छोड़लनि ? केसी त्यागी कांग्रेस पर षड्यंत्र करबाक आरोप लगओलनि अछि। नीतीश कुमार राज्यपालकेँ इस्तीफा दऽ देलखिन। एन.एन.डी.आई.ए. सँ अपन गठबंधन तोड़ि देलनि अछि। एम्हर जेडीयू केर दिग्गज नेता केसी त्यागी एकटा पैघ खुलासा कयलथि अछि। केसी त्यागी कहलनि जे कांग्रेस इंडिया गठबन्धनक नेतृत्व हड़पय चाहैत अछि। कांग्रेस ममता बनर्जी आ अरविन्द केजरीवालक माध्यमसँ मल्लिकार्जुन खड़गेक नाम आगू राखि चालि खेलने छल। मुदा, खड़गे स्वयं बादमे एहि बातसँ मना कऽ देलनि जे ओ प्रधानमन्त्रीक उम्मीदवार नहिं बनताह।
जदयू नेता केसी त्यागी कहलनि जे नीतीश कुमार सबकेँ एक संग आनि इंडिया गठबंधन बनौने छलाह। देश भरिमे यात्रा कएलक आ सबके एक संग अनलक। पहिनेसँ ई निर्णय लेल गेल छल जे इंडिया गठबन्धन प्रधानमन्त्रीक उम्मीदवार घोषित कयने बिना लोकसभा चुनाव लड़त। मुदा कांग्रेसक मनमे खोट छल। ओ इंडियाक नेतृत्व हड़पबाक लेल खड़गेक नाम आगू रखलनि। मानल जाइत अछि जे नीतीश कुमार इंडिया गठबंधनमे बातचीतक कमीसँ नाराज छलाह। कांग्रेसक रवैया हुनकासँ नाखुश छल।
केसी त्यागी इहो आरोप लगओलनि जे कांग्रेस क्षेत्रीय दलक नेतृत्वकेँ समाप्त करय चाहैत अछि। “ममता बनर्जीक पार्टी होय, समाजवादी पार्टी, जेडीयू, शरद पवारक पार्टी होय वा आन कियो होय, ई सभ दल कांग्रेससँ लड़ि कऽ बनल अछि। कांग्रेस एखन सर्वाइवलक दौरमे अछि। पछिला दूटा लोकसभा चुनावमे कांग्रेसकेँ विपक्षक नेता बनबाक लेल आवश्यक सीट नहिं भेटि सकल अछि। कांग्रेस अस्तित्वक संकटक सामना कऽ रहल अछि। एहि लेल ओ क्षेत्रीय दलक नेतृत्व समाप्त करय चाहैत अछि।
ओना, आब इहो आरोप लगाओल जा रहल अछि जे नीतीश कुमार इंडिया गठबंधनक प्रधानमंत्री पदक उम्मीदवार बनय चाहैत छलाह। मुदा जखन ई नहि भऽ सकल आ नीतीशकेँ सेहो आशंका छल जे भाजपा केंद्रमे फेर आबि सकैत अछि, तें ओ २०२४ केर चुनावक पहिने एनडीए केर संग आबय केर निर्णय लेलनि।
