बहुत सिद्ध करयसँ पहिने कांग्रेस अपन अधिकांश विधायककेँ भेजलक हैदराबाद
*
पटना
*
बिहारमे नीतीश कुमारक नेतृत्ववला एनडीए सरकार १२ फरवरीकेँ विधानसभामे अपन बहुमत साबित करबाक लेल तैयार अछि। जँ विधानसभाक आंकड़ा देखब तऽ ई स्पष्ट अछि जे सत्तारूढ़ गठबंधन आसानीसँ बहुमतक आंकड़ा केर पार कऽ लेत। एहन स्थितिमे सवाल उठि रहल अछि जे एहि स्थितिमे महागठबंधनक हिस्सा कांग्रेस केर अपन अधिकांश विधायककेँ हैदराबाद स्थानांतरित करय के जरूरत किएक पड़ल ?
वास्तवमे नीतीश कुमारकेँ फेरसँ एनडीएमे शामिल भेलाक बाद भाजपा दावा कयने छल जे कांग्रेस केर १० विधायक ओकर संपर्कमे अछि। किछु दिनमे लोकसभा चुनाव हेबाक अछि। नीतीश कुमारक राजगमे फेरसँ प्रवेशक बाद महागठबंधनमे दलसभक सबसँ पैघ चुनौती मात्र गठबंधनमे एकता कायम राखब नहिं अछि, अपितु अपन दलकेँ विभाजित होयबासँ रोकब सेहो अछि।
जानकार इहो कहैत छथि जे कांग्रेस अपन विधायक सभक पक्ष बदलबासँ डरैत हेतैक, जाहि कारणेँ हुनका आन ठाम पठा देल गेल। किएक तऽ किछु समय बाद लोकसभा चुनाव सेहो होबय जा रहल अछि, एहन स्थितिमे विधायकक पक्ष बदलबाक खतरा सबसँ बेसी अछि। आजुक राजनीतिमे विधायकक पक्ष बदलबाक स्थिति केकरोसँ छुपल नहिं अछि।
ओ कहलनि जे कांग्रेस एहि स्थितिमे कोनो ‘जोखिम’ लेबासँ परहेज कऽ रहल अछि आ पार्टीमे एकजुटता सेहो साबित कऽ रहल अछि।
उल्लेखनीय अछि जे बिहारमे कांग्रेसक १९ विधायक छथि, जाहिमे सँ १६ विधायककेँ रविदिन हैदराबाद स्थानान्तरित कऽ देल गेल अछि। हैदराबाद नहिं गेल कांग्रेस विधायक सिद्धार्थ सौरव सेहो मानैत छथि जे विधायकसभकेँ लऽ जेबाक कोनो कारण नहिं अछि।
ओ इहो कहलनि जे भऽ सकैत अछि जे सरकार बनल अछि, तेँ घुमाबय लऽ गेल हेताह। हमरा नहिं लगैत अछि जे कोनो अन्य कारण अछि जे विधायकसभकेँ लऽ जेबाक चाही।
विधायककेँ बंटवाराक संभावनासँ जुड़ल सवाल पर ओ कहलनि कि जखन बहुमत नहिं रहैत छैक , तखन तोड़बाक संभावना वा प्रयास रहैत छैक। एनडीए लग बहुमत अछि आ एखन ई बात नहिं अछि, एहिसँ पहिने सेहो जेडीयू जतय गेल, बहुमत छल।
भाजपा प्रदेश प्रवक्ता मनोज शर्मा कहैत छथि जे कांग्रेसकेँ अपन विधायक पर भरोसा नहिं अछि। ओनाहो कांग्रेसक विधायककेँ आब ओहि पार्टीमे अपन भविष्य सुरक्षित नहिं लगैत होयत, तऽ ओ नव ठिकाना तकबे करत।
