सीएम सम्राट सीबीएसई बोर्डमे मैथिली पढ़ौनी लेल पीएम मोदीकेँ कहलनि थैंक्यू

पटना। समदिया

आब केंद्रीय माध्यमिक शिक्षा बोर्ड (सीबीएसई) केर पाठ्यक्रममे सेहो मैथिली भाषाकेँ स्थान भेटत। सोशल मीडिया प्लेटफॉर्म एक्स पर ई जानकारी साझा करैत मुख्यमंत्री सम्राट चौधरी एकरा मिथिला क्षेत्र लेल ऐतिहासिक निर्णय बतौलनि।

मुख्यमंत्री सम्राट चौधरी कहलनि जे, मैथिली केर मातृभाषा विषयक रूपमे सीबीएसईक पाठ्यक्रममे शामिल कयल गेल अछि, जाहिकेँ कक्षा 1 सँ ल कए माध्यमिक स्तर धरि केर कक्षामे लागू कयल गेल अछि। ओ टिप्पणी कयलनि जे ई निर्णय मिथिला क्षेत्रक लोक लेल बहुत गौरवक विषय अछि। अपन पोस्टमे ओ लिखलनि कि ई आबय वला नव पीढ़ी अपन भाषा, संस्कृति आ परंपरासँ आओर मजबूतीसँ जुड़यमे सक्षम होयत। संगहि, एहिसँ बच्चा सभकेँ अपन मातृभाषामे पढ़ाई-लिखाई केर मौका भेटत।

प्रधानमंत्री नरेंद्र मोदीक हवाला दैत मुख्यमंत्री कहलनि कि हुनक नेतृत्वमे भारतीय भाषा आ सांस्कृतिक धरोहरकेँ लगातार बढ़ावा देल जा रहल अछि। ओ एहि बात पर जोर देलनि जे सीबीएसई केर पाठ्यक्रममे मैथिलीकेँ शामिल करब भारतीय भाषाकेँ मजबूत करय केर दिशामे एकटा महत्वपूर्ण कदम अछि। ओ आओर कहलनि कि सरकार भारतीय परंपरा, भाषा आ संस्कृतिक नव पीढ़ी धरि पहुँचय लेल अथक प्रयास कय रहल अछि।

मैथिली भाषा बहुत दिनसँ मिथिला केर परिभाषित पहिचान रहल अछि। मिथिलाक लोक संस्कृति, साहित्य, संगीत आ कला केर भीतर मैथिलीकेँ एकटा अलग आ विशेष स्थान अछि। आब जखन सीबीएसई सन राष्ट्रीय शैक्षणिक बोर्डक भीतर स्थान सुरक्षित कय लेलक अछि तँ अपेक्षा बढ़ि गेल अछि जे सम्पूर्ण देशमे मैथिली भाषाकेँ नव मान्यता आ सम्मान भेटत।

शिक्षा आ संस्कृतिक क्षेत्रसँ जुड़ल विशेषज्ञ आ हस्तीकेँ मानब छनि जे एहि कदमसँ मैथिली भाषाकेँ राष्ट्रीय स्तर पर बल भेटत आ नव पीढ़ी अपन जड़िसँ जुड़ल रहय।

जखन बच्चाकें प्रारंभिक शिक्षा ओकर मातृभाषामे होयत अछि तखन ओकर समझ आ सीखयकें क्षमतामे काफी वृद्धि होयत अछि। फलस्वरूप मैथिली भाषा केर पाठ्यक्रममे शामिल कयलासँ मिथिला क्षेत्रकेँ लाखों छात्रकेँ सीधा फायदा होयत। इ निर्णयसँ बच्चाककें लेल सीखएयकें प्रक्रिया आसान भ जायत, जाहिसँ ओ अपन भाषा आ संस्कृतिकें गहन आ बेहतर समझ प्राप्त कय सकैत अछि।