मुख्यमंत्री नीतीश कुमार, जे बहुत समयसँ यूकेमे विज्ञान सङ्ग्रहालय जयबाक योजना बना रहल छलथि, एक सप्ताहक लेल दौरा करताह।
बिहारक मुख्यमंत्री नीतीश कुमार एक सप्ताहक छुट्टी लेलनि अछि। जानकारी के अनुसार नीतीश विदेशमे किछु समय बितयताह। पछिला दिन खबर आयल छल जे मुख्यमंत्री नीतीश साँझमे दिल्ली जयबाक लेल विमानमे चढ़ि गेलाह। सूत्रक अनुसार नीतीश कुमार बृहस्पति दिन बिहारक पूर्व मंत्री आ जदयूक राज्यसभा सदस्य संजय कुमार झाक संग ब्रिटेनक लेल रवाना हेबाक संभावना अछि।
सूत्रक हवालासँ खबरि अछि जे मुख्यमंत्री नीतीश कुमार, जे बहुत समयसँ यूकेमे विज्ञान संग्रहालय जयबाक योजना बना रहल छलथि, जयबाक सम्भावना अछि। एम्हर कयास लगाओल जा रहल अछि जे कुमार आगामी लोकसभा चुनावक लेल सीटक बंटवारापर चर्चा करबाक लेल दिल्लीमे भाजपाक शीर्ष नेतासँ भेंट कऽ सकैत छथि।
प्रधानमंत्री नरेन्द्र मोदी बुधदिन बिहारक पश्चिम चम्पारण जिलाक बेतियामे एकटा विशाल रैलीकेँ सम्बोधित कयलनि। बिहारक मुख्यमंत्री नीतीश कुमार साँझमे दिल्ली लेल प्रस्थान करैत रैलीमे शामिल नहिं भेलाह। प्रधानमंत्री नरेन्द्र मोदी ४ मार्च सँ ५ राज्यक तूफानी दौरा पर छलाह, जकर अंतिम चरणमे ओ बिहारक बेतिया पहुँचलाह।
