केन्द्र सरकार सूक्ष्म, लघु आ मध्यम उद्यम (एमएसएमई)क निर्यातकेँ बढ़ावा देबाक लेल ब्याज समानीकरण योजनाकेँ एक मास आओर ३० सितंबर, २०२४ धरि बढ़ा देलक अछि। एहि योजनाक उद्देश्य निर्यातकेँ प्रोत्साहित करब अछि।
विदेश व्यापार महानिदेशालय (डीजीएफटी) द्वारा जारी एकटा व्यापार अधिसूचनामे ई सूचित कयल गेल अछि कि व्यापार आ उद्योगकेँ सूचित कयल गेल जाइत अछि जे निर्यातसँ पहिने आ बादमे लेल गेल रुपया ऋण पर निर्यातकसभक लेल ब्याज समानीकरण योजनाक अवधि ३० सितंबर, २०२४ धरि बढ़ा देल गेल अछि।
अधिसूचनाक अनुसार, निर्यातकसभकेँ ब्याज लाभ प्रदान करयवला ई योजना ३१ अगस्त, २०२४ केँ समाप्त भऽ गेल छल। जूनमे एहि योजनाकेँ दू मास लेल बढ़ा देल गेल छल। जनतब जे ई योजना मात्र एमएसएमई विनिर्माण निर्यातक लेल अछि।
एहिसँ पहिने केन्द्रीय मंत्रिमंडल ८ दिसम्बर २०२३ केँ एहि योजनाकेँ ३० जून धरि जारी रखबाक लेल २,५०० करोड़ टाकाक अतिरिक्त आवंटनकेँ मंजूरी देने छल।
