बिहारक खजाना खाली, सम्राट चौधरी ‘चीफ मिनिस्टर’ नहि ‘चीप मिनिस्टर’ : तेजस्वी यादव

पटना। समदिया

दिल्लीसँ घुरलाक तुरंत बाद विपक्षी नेता तेजस्वी यादव राज्यक एनडीए सरकार आओर सम्राट चौधरी पर कड़ा हमला कयलनि। ओ सरकारकेँ कानून व्यवस्थाक ढहैत स्थिति, भ्रष्टाचार, नीट पेपर लीक आ मंत्रीक वेतन जँका गंभीर मुद्दा पर सरकारकेँ कोसलनि।

तेजस्वी यादव कहलनि जे हुनका सदिखन विश्वास छलनि जे सम्राट चौधरी चाहे जे कोनो पद ग्रहण करथि, हुनक आचरण वा मानसिकतामे कोनो सकारात्मक परिवर्तन नहि होयत। ओ टिप्पणी केलथि जे बिहार सरकारक खजाना एकदम खाली अछि, राज्यभरिमे विकासक काज ठप भ गेल अछि आ सभ ठाम भ्रष्टाचार व्याप्त अछि। अपराधी बेलगाम भ चुकल अछि आ आम जनताकेँ कष्ट भ रहल अछि।

युवा आ महिलाक अधिकार पर बजैत तेजस्वी यादव कहलनि जे देश आ राज्यक युवाक भविष्य दुनू आधारमे लटकल अछि। नीट सन प्रतिष्ठित राष्ट्रीय परीक्षाक पेपर धड़ल्लेसँ लीक भ रहल अछि। एकर संग ओ आरोप लगौलनि कि बिहारक माता आ बहिनकेँ सरकारी योजनाक तहत भेटय वला वित्तीय सहायता राशि अखनि धरि नहि देल गेल अछि। एतय धरि कि बिहारक मंत्रीकेँ सेहो समय पर वेतन नहि भेंट रहल अछि। तेजस्वी यादव कहलनि कि एही सभ बुनियादी नाकामीसँ जनताक ध्यान भटकाबय लेल भाजपा आ सम्राट चौधरी नकारात्मक राजनीतिक सहारा ल रहल छथि।

10 सर्कुलर रोड स्थित पूर्व मुख्यमंत्री राबड़ी देवीक आवाससँ सुरक्षा वापसीक मुद्दा आओर बंगलाकेँ ल कय विवादकेँ संबोधित करैत तेजस्वी यादव कहलनि जे 2005 सँ राबड़ी देवीक स्थिति वा सुरक्षा व्यवस्थामे कोनो बदलाव नहि भेल अछि, तइयो अचानक 10 नंबर केर बंगलाक सुरक्षा दुर्भावनाक कारण हटाओल जा रहल अछि। ओ सवाल उठेलथि जे जँ सरकार लग जँ बंगलाक एतेक कमी छल तँ जे बंगला हमरा लग छल ओकरा ओकरा दोसर मंत्रीकेँ आवंटित कियाक नहि कयल गेल।

सम्राट चौधरी पर सीधा हमला करैत तेजस्वी यादव टिप्पणी कयलनि जे, चौधरी ‘चीफ मिनिस्टर’ जकाँ काज करब तँ दूर, अपन संकीर्ण आ द्वेषपूर्ण सोचक कारणेँ ‘चीप मिनिस्टर’ साबित भ रहल छथि। ओ पूर्ण रूपेण नकारात्मक राजनीति दिस झुकि गेल छथि। यादव आगू कहलनि जे, सुरक्षा आ बंगला हुनका आ हुनक परिवार लेल कहियो पैघ मुद्दा नहि रहल अछि। सड़क पर उतरि जनताक अधिकारक लेल लड़ैत रहब।