लोकसभा चुनावसँ पहिने राजस्थानमे कांग्रेस पार्टीकेँ पैघ झटका लागल अछि। कांग्रेस नेता आ पूर्व मंत्री लालचंद कटारिया, पूर्व मंत्री राजेन्द्र यादव, कांग्रेस नेता सुरेश चौधरी, विजयपाल मिर्धा, रिछपाल मिर्धा, आलोक बेनीवाल सहित कतेको कांग्रेसी मुख्यमंत्री भजनलाल शर्मा आ भाजपा प्रदेश अध्यक्ष सीपी जोशीक उपस्थितिमे भाजपामे शामिल भेलाह।
एहिसँ पहिने महेन्द्र मालवीय कांग्रेस छोड़ि भाजपामे शामिल भऽ गेल छलाह। भाजपा बांसवाड़ासँ महेन्द्रजीत मालवीयकेँ लोकसभाक टिकट सेहो देलक अछि।
लालचंद कटारिया आ राजेन्द्र यादव एहन नेता छथि जे अशोक गहलोत मंत्रिमंडलमे मंत्री रहि चुकल छथि। जाट नेता लालचंद कटारिया मनमोहन सिंह मंत्रिमंडलमे केन्द्र सरकारमे मंत्री सेहो रहि चुकल छथि। ई सभ नेता रविदिन भाजपाक वरिष्ठ नेताक उपस्थितिमे पार्टीमे शामिल भेलाह। लालचन्द कटारिया राजस्थानक एकटा वरिष्ठ जाट नेता छथि। ओ अशोक गहलोत सरकारमे कृषि आ पशुपालन मंत्री छलाह। ओ केन्द्र सरकारमे मनमोहन सिंह मंत्रिमंडलक हिस्सा सेहो छलाह। पछिला विधानसभा चुनावसँ राजस्थान कांग्रेसक भीतर सब किछु ठीक-ठाक नहिं चलि रहल अछि। बहुत रास नेता पार्टीसँ नाराज छथि। इहे कारण अछि जे बहुत रास कांग्रेसी लगातार भाजपामे शामिल भऽ रहल छथि।
कांग्रेस छोड़लाक बाद राजस्थानमे भाजपामे शामिल भेल नेतामे पूर्व मंत्री लालचंद कटारिया, राजेन्द्र यादव, पूर्व सांसद खिलाड़ी लाल बैरवा, पूर्व विधायक रिछपाल मिर्धा, विजयपाल मिर्धा, आलोक बेनीवाल, पूर्व जिला अध्यक्ष भीलवाड़ा रामपाल शर्मा, पूर्व विधायक रामनारायण किसान, अनिल व्यास, पूर्व आईएएस ओंकार सिंह चौधरी समेत ३२ कांग्रेसी नेता रवि दिन भाजपामे शामिल भऽ गेलैथ।
