केंद्र सरकार द्वारा नागरिकता संशोधन कानूनक अधिसूचना जारी कयलाक बाद दिल्लीक मुख्यमंत्री अरविंद केजरीवाल भाजपा पर हमला कयलनि। ओ भाजपा पर आरोप लगओलनि अछि जे ओ भारतीय नागरिकक अपेक्षा विदेशीक हितकेँ प्राथमिकता दैत अछि।
पत्रकार सम्मेलनमे मुख्यमंत्री नागरिकता संशोधन कानूनक औचित्य पर सवाल उठौलनि।
मुख्यमंत्री सीएए लागू भेलाक बाद भारतमे अल्पसंख्यकसभक सम्भावित आगमनपर सेहो चिन्ता व्यक्त कयलनि।
मुख्यमंत्री सवाल कयलनि कि सीएए की अछि ? ओ सीएएक अन्तर्गत अल्पसंख्यकसभकेँ नागरिकता देबाक औचित्य पर सवाल उठौलनि।
मुख्यमंत्री कहलनि जे एहि डेगसँ भारतमे अल्पसंख्यकक संख्यामे तेजीसँ वृद्धि भऽ सकैत अछि।
ओ कहलनि जे एहन स्थितिमे जखन भारत पैघ स्तरपर बेरोजगारी आ आवासक समस्यासँ जूझि रहल अछि, जँ पैघ संख्यामे अल्पसंख्यकक आगमन भऽ रहल अछि तखन ई हमरा सभक लेल एकटा पैघ चुनौती भऽ सकैत अछि।
मुख्यमंत्री भारतमे पैघ पैमाना पर व्याप्त बेरोजगारी आ आवासक समस्याक लेल भाजपा सरकारकेँ दोषी ठहरौलनि, जखन कि दोसर दिस विदेशीक हितकेँ प्राथमिकता देबय केर आरोप लगेलनि।
अपन नागरिक आ विदेशी नागरिकक प्रति सरकारक दृष्टिकोणमे स्पष्ट असमानता पर चिन्ता व्यक्त करैत केजरीवाल कहलनि, “भाजपा भारतीय युवासभक लेल रोजगारक अवसर पैदा करबाक लेल संघर्ष कऽ रहल अछि मुदा पाकिस्तानक युवासभकेँ रोजगार देबय चाहैत अछि।”
ओ भाजपा पर स्वदेशी नागरिकक अधिकार आ अवसरक दाम पर पाकिस्तानक लोकसभकेँ भारतमे बसयबाक प्रयास करबाक आरोप सेहो लगओलनि।
सरकारी निधिक आवंटनपर आशंका व्यक्त करैत केजरीवाल कहलनि जे भारतीय परिवार आ राष्ट्रक विकासक लेल देल गेल संसाधनक उपयोग पाकिस्तानी नागरिककेँ समायोजित करबाक लेल कयल जायत।
