निशांतकेँ डिप्टी सीएम किएक नहि बनाओल गेल? – उपेन्द्र कुशवाहा
पटना। समदिया
रालोसपा प्रमुख उपेन्द्र कुशवाहा पटनामे अपन पार्टीक अधिवेशनमे एकटा पैघ बयान दैत कहलनि जे जदयूकेँ जँ कियो बचा सकैत छथि तँ ओ मात्र नीतीश कुमारक बेटा निशांत कुमार। ओ प्रश्न उठौलनि जे निशांतकेँ मंत्री किएक बनाओल गेल, हुनका डिप्टी सीएम बनाबय केर चाहि छल। अपन पार्टी राष्ट्रीय लोक मोर्चा चलाबय वला उपेन्द्र कुशवाहा एक बेर फेर जदयूक प्रति अपन प्रेम जतौलनि। राष्ट्रीय लोक मोर्चाक काल्हि पटनामे अधिवेशन भेल आ उपेन्द्र कुशवाहा निशांत कुमारक प्रशंसा करय लगलाह। कुशवाहा कहलनि जे, नीतीश कुमारक बाद हुनक बेटा निशांत कुमार मात्र बनि सकैत छथि, वर्तमान सरकारमे निशांत कुमारकेँ मंत्रीक रूपमे छोड़ब गलत अछि, निशांतकेँ डिप्टी सीएम बनाबय केर चाहि छल।
राष्ट्रीय लोक मोर्चाक बैसारमे पूर्व केंद्रीय मंत्री आ रालोग्राम अध्यक्ष उपेंद्र कुशवाहा जनता दल यूनाइटेड (जदयू) आ समता पार्टी केर निर्माणमे अपन योगदानक बारेमे खुलि कय बतैलनी आ कहलनि कि ओ एही दलक निर्माणमे अपन पसीना बहेलौंह आ एही लेल आइ जदयू केर हालत देखि हुनका दर्द भ रहल अछि।
बैसारकेँ संबोधित करैत कुशवाहा कहलनि जे, हमहूँ समता पार्टी आ जनता दल यूनाइटेडक निर्माणक प्रयास कयलहुं आ ताहि लेल हमरा दर्द होइत अछि। ओ कहलनि जे समस्तीपुरक भूमिसँ हम सबसँ पहिने निशांत (निशांत कुमार)केँ राजनीतिमे प्रवेश करबाक सुझाव देलहुँ। हम कहलियनि जे निशांत जी राजनीतिमे आबि जदयूक नेतृत्व करथि। मुदा ओहि समय हमर सुझावक विरोध भेल।
