एआईएमआईएम केर प्रदेश अध्यक्ष बिहारमे ११ सीट लड़बाक लेल असदुद्दीन ओवैसीकेँ प्रस्ताव पठौलनि अछि। जानकारीक अनुसार अख्तरुल इमान किशनगंजसँ आ पार्टीक प्रवक्ता आदिल हसन कटिहारसँ चुनाव लड़ताह।
लोकसभा चुनावकेँ देखैत राजनीतिक दलक तैयारी तेज भऽ गेल अछि। भाजपा कांग्रेस सहित कतेको दल अपन उम्मीदवारक नाम घोषित करब शुरू कऽ देलक अछि। एम्हर असदुद्दीन ओवैसीक पार्टी एआईएमआईएम सेहो बिहारक लोकसभा सीट पर चुनाव लड़बाक घोषणा कयलक अछि। सूत्रक अनुसार ओवैसीक पार्टी बिहारमे ११ लोकसभा सीट पर चुनाव लड़य जा रहल अछि।
एआईएमआईएम केश्र प्रदेश अध्यक्ष असदुद्दीन ओवैसीकेँ ११ सीटक प्रस्ताव पठौलनि अछि। ई सीट अछि किशनगंज, कटिहार, अररिया, पूर्णिया, कराकट, उजियारपुर, दरभंगा, मुजफ्फरपुर, गया, बक्सर आ भागलपुर। एहिमेसँ बहुत रास सीट बिहारक मिथिलाक सीमावर्ती क्षेत्रक अछि, जतय मुसलमानक आबादी पैघ अछि।
सूत्रक अनुसार अख्तरुल इमान किशनगंजसँ आ पार्टीक प्रवक्ता आदिल हसन कटिहारसँ चुनाव लड़ताह। ओवैसीक पार्टी बिहार विधानसभा चुनावमे नीक प्रदर्शन कयलक आ ५टा सीट जितलक। मुदा, बादमे पार्टीक चारिटा विधायक जदयूमे शामिल भऽ गेलाह।
