ऑल इंडिया फॉरवर्ड ब्लॉकसँ संबद्ध अग्रगामी महिला समिति रहिका प्रखंडक सम्मेलन शनि दिन शीला सदाय आ सुमित्रा देवीकेँ संयुक्त अध्यक्षतामे कपिलेश्वर स्थान विवाह भवनमे संपन्न भेल। सम्मेलनक उद्घाटन पिंकी सिंह केलीह। सम्मेलनकेँ संबोधित करैत पिंकी सिंह कहली जे आबए वला 4 फरवरी 2024 कऽ बेनीपट्टीमे राज्य सम्मेलन आयोजित कयल जाएत। जाहिकेँ राष्ट्रीय महासचिव पूर्णिमा विश्वास सेहो भाग लऽ संबोधित करतीह। ओतै पार्टीक राज्य कमेटी सदस्य प्रेम कुमार झा कहलैन्ह जे देशमे मनुवादी आ उन्मादी पार्टीक सरकार अछि। जाहिमे बेरोजगार युवा सभकेँ रोजगार लेल भटकय पड़ि रहल छैन्ह। मंहगाई चरम पर अछि, एहि पर सरकारक कोनो नियंत्रण नहिँ अछि। सम्मेलनकेँ फूलो देवी, बीना देवी, राम परी देवी, रूकमणि देवी, शबाना खातून, हशमुल खातून, नसीमा खातून संबोधित केलैन्ह। सम्मेलनमे आएल सांगठनिक नेता कार्यकर्ता सभकेँ अभिवादन पार्टी जिला महा सचिव अनिल कुमार सिंह, जिला कोषाध्यक्ष सह अग्रगामी प्रगतिशील खेत मजदूर यूनियन जिला महासचिव बेचन राम, बृहस्पति सदाय, पंचू पासवान ,गुड्डू मंडल, बिलट पासवान, मोहम्मद मुकीम, मोहम्मद जहूर, बिजली राम, आशु झा संबोधित केलैन्ह। नव कमेटीक गठनमे प्रखंड महासचिव शीला सदाय, अध्यक्ष हसमुल खातून ,उपाध्यक्ष आशा देवी आ संयुक्त सचिव नजमी प्रवीणकेँ बनाओल गेलैन्ह।
