सचिवालयक बाद आब सीएम हाउस लग भेटल शराबक बोतल

पटना। समदिया

बिहारमे शराब बंदी अछि यानी शराब पूर्ण रूपेण प्रतिबंधित अछि, एकर बावजूद शराबक बोतल खुलेआम देख जा रहल अछि। काल्हि हैरान करय वला एक तस्वीर सामने आयल, जाहिमे सीएम हाउस लग एक दू नहि बल्कि कतेको शराबक बोतल बरामद भेल। शराबक बोतल भेटलाहसँ अब इ चर्चाक विषय बनि गेल अछि। मुख्यमंत्री आवास लग शराबक बोतल भेटयसँ पहिने सचिवालयक अंदर कार्यालयक गेट लग सेहो तीन शराबक बोतल देखल गेल छल। फ़िलहाल मुख्यमंत्री आवास 5 देशरत्न मार्ग लग काफी मात्रामे शराबक खाली बोतल काल्हि बरामद भेल। एही संबंधमे पुलिस जांच करबाक बात कहि रहि अछि।

एही संबंधमे सचिवालय थानाध्यक्ष गौतम कुमार बतौलनि कि स्थानीय लोकक द्वारा सूचना भेटलाह पर पुलिस घटनास्थल पर पहुंचल। जांचक दौरान दस खाली बोतल भेटल आ दू अन्य टूटल शराबक बोतल बरामद भेल। ओ कहलनि कि आब  आसपास लागल सीसीटीवी फुटेजक जांच कयल जायत आ फेर आरोपीक पहिचान करैत ओकर खिलाफ सख्तसँ सख्त कार्यवाही कयल जायत।

एहीकेँ ल कय आब विपक्ष मुख्यमंत्री आवास लग आ सचिवालयक अंदर शराबक खाली बोतलकेँ भेटय पर सवाल उठा रहल अछि। एही संबंधमे आई पी गुप्ता कहलनि कि मुख्यमंत्री आवास लग शराबक बोतल एही तरहसँ भेटब मुख्यमंत्रीक शासनकाल पर खुला तमाचा अछि। ओ कहलनि कि गरीबक घरमे शराब भेटैत अछि तँ ओकरा गिरफ्तार कय जेल भेज देल जायत अछि। मुदा ओतय पैघ-पैघ अधिकारी आ नेता जखनि शराबक सेवन करैत अछि तँ पुलिस ओतय नहि पहुंच पाबैत अछि।

विधायक आईपी गुप्ता कहलनि कि शराब बंदीक हम विरोध करैत छी आ कहय छी जे सरकार शराब केँ खोलय। एहीसँ दूटा फायदा होयत। पाहिल फायदा होयत कि राजस्वमे वृद्धि होयत आ दोसर फायदा इ होयत, जे युवा सुख नशा दिस जा अपन जिंदगीकेँ नर्क बना रहल अछि, शराबकेँ खुजयसँ शायद इ नौबत नहि आओत।