बिहारमे जतय शराबबंदी लागू अछि, जँ कोनो सरकारी स्कूलक प्रधानाध्यापक आ शिक्षक स्कूल परिसरकेँ शराब पीबय केर अड्डा बनाबथि, तऽ शराबबंदी कानून पर सवाल उठब उचित अछि।
बिहारक सभ सरकारी अधिकारी आ कर्मचारी पहिनेसँ सार्वजनिक शपथ लऽ चुकल छथि जे शराब नहिं पीब।
दरअसल, ई पूरा मामिला बांका जिलाक रजौन थाना क्षेत्रक राजकीय बुनियादी मध्य विद्यालय चिलकावरक अछि। एतय शिक्षाक पवित्र मन्दिर मानल जायवला स्थानेकेँ शराबीको अड्डा बना देल गेल।
जानकारीक अनुसार सोमदिन प्रधानाध्यापक आ शिक्षक तीनटा आन लोकक सङ्ग बैसि विद्यालय परिसरेमे शराब पीबैत छलाह। चखबाक लेल मुर्गाक सेहो प्रबंध छलैक।
कियो ई जानकारी उत्पाद विभागक टीमकेँ देलक। एकर बाद टीम घटनास्थल पर पहुँचल आ प्राचार्य आ शिक्षक सहित पाँच गोटे के बंदी बनेलक।
ओ कहलनि जे जहिना सूचना भेटल, एकटा टीम स्कूल पठाओल गेल, जतयसँ राजकीय बुनियादी मध्य विद्यालय, चिलकावर केर प्रभावी प्रधानाध्यापक अमरेश कुमार, जगन्नाथपुर प्राथमिक विद्यालयक शिक्षक बजरंगी दास, धनंजय कुमार, प्लंबर मिस्त्री प्रदीप कुमार एवं कुमार गौरवकेँ बंदी बनाओल गेल अछि।
