देशक खजानाकेँ लागल झटका, एक हफ्तामे 8 अरब डॉलर घटल भारतक विदेशी मुद्रा भंडार
मुंबई। समदिया
वैश्विक अनिश्चितता (ग्लोबल अनसर्टेनिटी) आ पश्चिम एशियामे चलि रहल तनावक बीच भारतक विदेशी मुद्रा भंडार (फोरेक्स रिज़र्व) केँ पैघ झटका लागल अछि। भारतीय रिजर्व बैंक द्वारा जारी ताजा आंकड़ाक अनुसार, 15 मई 2026 केँ समाप्त सप्ताहमे देशक विदेशी मुद्रा भंडार 8.09 अरब डॉलर घटि कय 688.89 अरब डॉलर रहि जेल अछि। एहीसँ ठीक पिछला सप्ताह एहीमे नीक बढ़त देखल गेल छल, जखनि इ 6.29 अरब डॉलर बढ़ि कय 696.99 अरब डॉलर पर पहुंच गेल छल।
जँ हम किछु समय पहिने केर आंकड़ाकेँ देखि, तँ पश्चिम एशिया (मिडिल ईस्ट)मे युद्ध शुरू होयसँ ठीक पहिने, 27 फरवरी 2026 केँ भारतक विदेशी मुद्रा भंडार 728.49 अरब डॉलरक सर्वकालिक उच्च स्तर (आल-टाइम हाई) पर पहुंच गेल छल। मुदा एकर बादसँ एहीमे लगातार गिरावट देखल जा रहल अछि।
डॉलरक मुकाबले रुपयामे आबि रहल गिरावटकेँ रोके लेल आरबीआई लगातार विदेशी मुद्रा बाजारमे हस्तक्षेप कय रहल अछि। रुपयाकेँ सहारा देबय लेल केंद्रीय बैंक पैघ पैमाना पर डॉलर बेच रहल अछि, जाहिसँ मुद्रा भंडार कम भ रहल अछि।
युद्धक कारणसँ कच्चा तेल आ अन्य वैश्विक सप्लाई चेन पर असर पड़ल अछि, जाहिसँ विदेशी मुद्राक आउटफ्लो (बाहर जेनाइ) बढ़ल अछि।
स्थितिक गंभीरताकेँ देखैत प्रधानमंत्री नरेन्द्र मोदी सेहो 11 मई 2026 केँ देशवासीसँ एक विशेष अपील कयलनि। पीएम नागरिकसँ आग्रह कयलनी कि ओ विदेशी यात्रा कम करथि (ताकि विदेशी मुद्रा देशसँ बाहर नहि जाए)। ईंधन (पेट्रोल-डीजल) केर खपत घटाओल जाय (जाहिसँ कच्चा तेलक आयात कम करय पड़य)। एक वर्ष धरि सोना खरीदसँ बचल जाय, ताकि देशक मूल्यवान विदेशी मुद्राकेँ बचाओल जा सकय। आरबीआईक साप्ताहिक रिपोर्टक मोताबिक, विदेशी मुद्रा भंडारक हर हिस्सामे एही सप्ताह गिरावट दर्ज कयल गेल अछि।
