एहि घटनाक बादसँ गाममे शोक पसरल अछि। मृतकमे पति, पत्नी आ दूटा बच्चा शामिल छल। पुलिसक अनुसार, बेगुसराय जिलाक बछवाड़ा थानाक अरवा गाममे पूरा परिवार ठंढाक रातिमे फूसक घरमे सुतल छल, तखनि घरमे आगि लागि गेल। आगि एतेक तेजीसँ पसरि गेल जे सुतल परिवारकेँ भागबाक मौका तक नहिं भेटल।
गामक लोक आगि बुझाबय केर कोशिश केलक, मुदा केकरो नहिं बचा सकल। घटनाक सूचना भेटलाक बाद घटनास्थल पर पहुँचल बछवाड़ा पुलिस शव सभकेँ अपन कब्जामे लऽ पोस्टमार्टम लेल सदर अस्पताल पठा देलक।
बछवाड़ा थाना प्रभारी (एसएचओ) अजित कुमार बतौलनि जे मृतकक पहिचान नीरज कुमार, हुनकर पत्नी कविता आ हुनकर बच्चा लव आ कुशक रूपमे भेल अछि। ओ कहलनि जे प्रथम दृष्टया आगि लगबाक कारण शॉर्ट सर्किट भऽ सकैत अछि। पुलिस मामिलाक जांच कए रहल अछि।
