ईश्वर हमरा राष्ट्ररूपी मंदिरक निर्माणक सौंपलनि जिम्मेदारी : कल्किधाममे मोदी

संभल
*

 श्री कल्कि धामक शिलान्यासक लेल सम्भल पहुँचल प्रधानमंत्री नरेन्द्र मोदी कहलश्रीनि जे भारत आब पराभवसँ विजय दिसि बढ़यवाला राष्ट्र बनि गेल अछि। हमरासभ पर सैकड़ो सालसँ आक्रमण भेल। जँ ई कोनो आन देश होइत तखन ओ नष्ट भऽ जाइत । हम एखनहु ठाढ़ छी। सदीक बलिदान आब फल दऽ रहल अछि। जेना, एकटा बीया जे बहुत दिनसँ पड़ल अछि ओ बरसातक मौसममे अंकुरित होइत अछि। प्रधानमंत्री कहलनि जे जहिना प्रमोद कृष्णम् एतय मन्दिर बना रहल छथि, तहिना भगवान हमरा राष्ट्ररूपी मन्दिर निर्माणक जिम्मेदारी सौंपने छथि। हम ओकरा भव्यता दए रहल छी। प्रधानमंत्री नरेन्द्र मोदी सोमदिन संभल कल्कि धामक शिलान्यास समारोहमे बाजि रहल छलाह।

एहि दौरान पीएम मोदी कहलनि जे भारत पहिल बेर ओहि स्तर पर अछि जे आब ओ अनुसरण नहिं कऽ रहल अछि बल्कि दुनिया भरिमे एकटा उदाहरण प्रस्तुत कऽ रहल अछि। हम इनोवेशन आ सूचना प्रौद्योगिकी क्षेत्रमे सम्भावनाक रूपमे देखल जा रहल छी। हम दुनियाक पाँचम सबसँ पैघ अर्थव्यवस्था छी। चन्द्रमाक दक्षिणी ध्रुव पर पहुँचयवला पहिल देश छी। वन्दे भारत, नमो भारत ट्रेनक संचालन कयल गेल अछि। बुलेट ट्रेन जल्दिये चलए जा रहल अछि। आब देशक प्रत्येक व्यक्ति गर्व महसूस करैत अछि। आब हमर शक्ति अनंत आ संभावना अपार अछि।

प्रधानमंत्री कहलनि जे श्री कल्कि धाम मंदिर परिसर ५ एकड़मे बनत। एकर निर्माण कार्य पूरा करबा मे ५ साल लागत। एहि मन्दिरक निर्माण बंसी पहाड़पुरक गुलाबी पाथरसँ कयल जायत। अयोध्याक सोमनाथ मन्दिर आ राम मन्दिर सेहो बंसी पहाड़पुर पाथरसँ बनल अछि। मन्दिरक शिखरक ऊँचाई १०८ फीट होयत। एहिमे स्टील वा लोहाक प्रयोग नहिं होयत। श्री कल्कि धाम मन्दिरमे १०टा गर्भगृह होयत। एहिमे भगवान विष्णुक १०टा अवतारक विग्रह स्थापित कयल जायत। प्रधानमंत्री कहलनि जे कालचक्र बदलि गेल अछि, आब एकटा नव युगक शुरुआत भेल अछि।

प्रधानमंत्री कहलनि जे किछु दिन पहिने जखनि प्रमोद कृष्णम् आमंत्रण देबय लेल आयल छलाह, ताहि आधार पर हम कहि रहल छी जे आइ हुनका जे खुशी भेटि रहल अछि, ताहिसँ अधिक हुनक मायक आत्माकेँ भेटि रहल होयत। एकटा बेटा अपन मायक वचनक लेल कोना अपन जीवन खपा सकैत अछि, ई प्रमोदजी बता देलनि। हमरा लग देबाक लेल किछु नहिं अछि, हम मात्र भावना व्यक्त कए सकैत छी।

पीएम मोदी इशारामे विपक्ष पर हमला कयलनि। ओ चंदा पर चुटकी लैत कहलनि अछि जे आइ समय एतेक बदलि गेल अछि जे अगर सुदामा पोटलीमे चाउर दैत वीडियो सामने आबि जाइत, तऽ सुप्रीम कोर्टमे पीआईएल दायर भऽ जाइत जे भगवान कृष्ण भ्रष्टाचार कऽ रहल छथि।

पीएम मोदी कहलखिन कि रामललाक विराजमान होबय केर अलौकिक अनुभव अछि। ओ क्षण एखनो हमरा भावुक कए दैत अछि। एम्हर देशसँ सैकड़ो किलोमीटर दूर अबू धाबीमे पहिल हिन्दू मन्दिरक साक्षी रहल छी। कल्पनासँ परे काजे वास्तविकता बनि रहल अछि। हम सभ एहि कालखंडमे काशीक कायाकल्प आ महाकालक महालोकक महिमा देखलहुँ अछि। आइ एक दिसि तीर्थयात्राक विकास भऽ रहल अछि, तऽ शहरमे इंफ्रास्ट्रक्चर तैयार भऽ रहल अछि। मन्दिर बनि रहल अछि तऽ महाविद्यालय सेहो बनि रहल अछि, विदेशी निवेश सेहो आबि रहल अछि। ई परिवर्तन एहि बातक प्रमाण अछि जे समयक चक्र घुमि गेल अछि।

प्रधानमंत्री कहलनि जे कल्कि धाम मे आइ कतेको संत, धार्मिक नेता आ अन्य प्रतिष्ठित लोक शामिल भेल छथि। संगहि उज्जैनक बाबा महाकाल मन्दिरसँ जुड़ल महात्मा वैदिक मंत्रक बीच पूजाक कार्यक्रम कयल गेल अछि। ओ कहलनि जे एतय १० गर्भगृह होयत, भगवानक दस रूप राखल जायत। एतय ईश्वरीय अवतारकेँ अलग-अलग तरहसँ प्रस्तुत कयल जायत। ई भगवानक कृपा अछि जे भगवान हमरा एहि काजक माध्यम बनौलनि अछि।