हमास द्वारा संचालित स्वास्थ्य मंत्रालय कहलक जे गाजा पट्टीमे इजरायली आक्रमणसँ फिलिस्तीनी मरयवलाक संख्या २८,९८५ भऽ गेल अछि।
एकटा प्रेस वक्तव्यमे मंत्रालय रविदिन कहलक जे ७ अक्टूबर, २०२३केँ इजरायल-हमास संघर्ष शुरू भेलाक बादसँ तटीय क्षेत्रमे ६८,८८३ फिलिस्तीनी घायल भऽ चुकल छथि।
रिपोर्टक अनुसार, मंत्रालय कहलकै कि इजरायली सेना पछिला २४ घंटाक दौरान १२७ फिलिस्तीनीक हत्या कयलक आ २०५ अन्यकेँ घायल कयलक।
एहिमे कहल गेल अछि जे भारी बमबारी आ नागरिक सुरक्षा आ एम्बुलेंस कर्मचारीक कमीक बीच किछु पीड़ित मलबामे दबि गेलाह।
एकर अतिरिक्त, फिलिस्तीनी रेड क्रिसेंट सोसाइटी कहलक जे इजरायली टैंकसभ दक्षिणी गाजा पट्टीक खान युनिस शहरक अल-अमल अस्पतालपर हमला कयलक।
एसोसिएशन एकटा प्रेस वक्तव्यमे कहलक जे इजरायली सेना अस्पतालक चारिम मंजिलकेँ निशाना बनओलक, जाहिसँ पैघ क्षति भेल आ अस्पतालक पूर्वी भागमे आगि लागि गेल। एहि कारण एकटा मरीज अपन संगीक संग फँसि गेल, यद्यपि बादमे हुनका घायल अवस्थामे निकालल गेल।
