बिहारक पूर्व उप मुख्यमंत्री आ राजद नेता तेजस्वी यादव २० फरवरीसँ जन विश्वास यात्राक माध्यमसँ बिहारक दौरा करयवाला छथि। भाजपा प्रदेश अध्यक्ष सम्राट चौधरी सोमदिन एहि यात्रा पर कटाक्ष कयलनि अछि। ओ कहलनि जे पहिने हुनका लूट यात्रा निकालबाक चाही।
पटनामे संवाददाता सभसँ बातचीत करैत ओ कहलनि जे पहिने हुनका लूट यात्रा निकालबाक छल, जाहिमे हुनका बतौबाक चाही जे ओ आ हुनक परिवार बिहारमे भ्रष्टाचार कऽ कतेक धन अर्जित कयने छथि। ओ सभ कतेक लूटलनि। ओ कहलनि जे पहिने हुनका अपन परिवारक भ्रष्टाचारक बारेमे बताबय केर चाही।
विधानसभामे विपक्षक नेता तेजस्वी प्रसाद यादव ‘जन विश्वास यात्रा’ पर निकलताह। २० सँ २९ फरवरी धरि अपन यात्राक क्रममे ओ राज्यक विभिन्न भागमे ३२ जनसभाकेँ सम्बोधित करताह।
चौधरी कहलनि, “हम एहि साल लोकसभा चुनावक लेल पूरा तैयार छी आ एनडीए राज्यक सभ ४० सीट जीतत।”
