बिहार राज्य विश्वविद्यालय एवं कॉलेज शिक्षक एवं कर्मचारी महासंघ संयुक्त संघर्ष समितिक बैसारमे विश्वविद्यालय अधिनियम एवं विनियम केर विरुद्ध बिहार सरकार एवं शिक्षा विभाग द्वारा कयल जा रहल कार्रवाई केर कारण लेल गेल निर्णयक आलोकमे मंंगल दिन एमएलटी कॉलेजक सब शिक्षक एवं गैर-शिक्षक कर्मचारी कारी बैज पहिरि प्रतीकात्मक विरोध कयलनि। विभागक अपमानजनक, अव्यावहारिक आ असंवैधानिक व्यवस्थासँ पूरा बिहारक शिक्षक आ गैर-शिक्षक कर्मचारी नाराज छथि। सब विश्वविद्यालय आ कॉलेजक शिक्षक आ गैर-शिक्षक कर्मचारी 12 जनवरी कऽ सामूहिक अवकाश लैत विश्वविद्यालय मुख्यालयमे विरोध प्रदर्शन करबाक निर्णय लेल गेल। एहि अवसर पर केडी राम, अवधेश झा, सत्येन्द्र सिंह, रूपम सिन्हा, शैलेन्द्र मिश्र, पदम बहादुर राणा, हरिनंदन कुमार, अलीमुद्दीन, इरसाद, सुजीत कुमार, लखन कुमार सहित अन्यान्य लोक उपस्थित छलाह।
