सेशेल्स आ भारत दुनू एक एहन दुनिया चाहैत अछि, जतय विकास बेसी समावेशी होय ; विक्टोरियाक संसदमे पीएम मोदी
नई दिल्ली। समदिया
प्रधानमंत्री नरेंद्र मोदी सेशेल्स केर संसदकेँ संबोधित कयलनि। पीएम मोदी कहलनि, एही नेशनल असेंबलीकेँ संबोधित करय वला पहिल भारतीय प्रधानमंत्रीक तौर पर आँहाँक सोँझा ठाढ़ भेनाइ हमरा लेल एक खास सम्मानक बात अछि। हम अपन संग भारतक 1.4 अरब लोकक दिससँ गर्मजोशी भरल शुभकामना आ बधाई ल कय आयल छी। प्रधानमंत्रीक तौर पर हिंद महासागर क्षेत्रमे हम जाहि पहिल देशक दौरा कयने छलौंह, ओ 2015मे सेशेल्स छल। हिंद महासागर हमर साझा घर अछि। सेशेल्स आ भारत दुनू एक एहन दुनिया चाहैत छी, जतय विकास बेसी समावेशी होय।’
सेशेल्स केर संसदकेँ संबोधित करैत प्रधानमंत्री नरेंद्र मोदी आगू कहलनि, ‘हमर दोस्ती 50 साल पहिने हमर राजनयिक संबंध बनय केर संग शुरू नहि भेल छल। इ ओहिसँ बहुत पहिए, अगस्त 1770मे शुरू भेल छल। सेंट ऐनी द्वीप पर ‘थेलेमाक’ जहाजसँ आयल लोकमे पांच भारतीय सेहो शामिल छल। ओहि यात्राक बादमे आबय वला कतेको लोककेँ रास्ता देखौलक। समय केर संग, हुनक कहानी आधुनिक सेशेल्स केर कहानीक हिस्सा बनि गेल।’
पीएम मोदी कहलनि, ‘इ हमरा याद दियबैत अछि कि हमर बीचक रिश्ता सरकार नहि बनौने छल। इ रिश्ता लोक बनौलक, परिवार एकरा संवारलक आ पीढ़ी दर पीढ़ी एकरा कायम रखलक। हिंद महासागर एकरा मुमकिन बनौलक। हिंद महासागर भारत आ सेशेल्स केँ अलग नहि करैत अछि, बल्कि हमरा जोड़ैत अछि। ताहि लेल हम अजनबी जँका नहि, बल्कि पुरान दोस्त जँका भेंट करैत छी।’
इ 20म संसद अछि, जाहि केर पीएम मोदी संबोधित कयलनि। 2014मे प्रधानमंत्रीक पद संभालय केर तुरंत बाद पीएम मोदी भूटान, नेपाल, ऑस्ट्रेलिया आ फ़िजी केर संसदकेँ संबोधित कयलनि। अगिला साल, ओ मॉरीशसक नेशनल असेंबली आ श्रीलंका, मंगोलिया, यूनाइटेड किंगडम आ अफ़गानिस्तानक संसदकेँ संबोधित कयलनि।
इ सिलसिला 2016मे प्रधानमंत्री मोदी केर अमेरिकी कांग्रेसकेँ संबोधनक संग जारी रहल आ फेर 2023मे ओ दोबारा संबोधन देलनि, जाहिसँ ओ अमेरिकी कांग्रेस केर संयुक्त सत्रकेँ दू बेर संबोधित करय वला पहिल भारतीय प्रधानमंत्री बनि गेलथि।
एही अहम दौरा केर बीच ओ 2018 मे युगांडा, 2019 मे मालदीव आ 2024 मे गुयाना केर संसदकेँ सेहो संबोधित कयलनि। इ सिलसिला 2025मे आओर आगि बढ़ल, जखनि प्रधानमंत्री मोदी जुलाईमे अपन यात्राक दौरान घाना, त्रिनिदाद आ टोबैगो आ नामीबिया केर राष्ट्रीय संसदकेँ संबोधित कयलनि। एकर बाद दिसंबरमे इथियोपियाई संसदकेँ संयुक्त सत्रकेँ संबोधित कयलनि। एहीसँ अफ्रीका आ ग्लोबल साउथक संग भारतक गहिंर होयत संबंधक पता चलैत अछि।
एही सालक शुरुआतमे 25 फरवरी 2026 केँ पीएम मोदी यरूशलेमक अपन राजकीय यात्राक दौरान इज़राइलक संसद, ‘नेसेट’ केँ संबोधित करय वला पहिल भारतीय प्रधानमंत्री बनिकय इतिहास रचलनि।
