की टूटि गेल ईरान-अमेरिका समझौता?
—-अमेरिका दक्षिणी ईरान पर पैघ पैमाना पर सैन्य हमला कयलक। ट्रंप कहलनि “तेहरानक संग वार्ता समयक बर्बादी”।
नई दिल्ली। समदिया
ईरान आ अमेरिकाक बीच युद्धकेँ रोकय लेल बनाओल गेल अंतरिम समझौता आब पतनक कगार पर नजरि आबि रहल अछि। अमेरिकी राष्ट्रपति डोनाल्ड ट्रंप साफ तौर पर कहलनि कि हुनका लेल ई समझौता आब खतम भ गेल अछि आ तेहरानक संग बातचीत करब समयक बर्बादी अछि। ट्रंप काल्हि तुर्कीमे नाटो शिखर सम्मेलनमे भाग ल रहल छलाह। दूनू देशक बीच सैन्य कार्यवाही फेर तेज भ गेल अछि, जाहिसँ तनाव बढ़य केर संभावना बढ़ि गेल अछि आ पूरा पश्चिम एशियामे एगो नव संघर्ष शुरू भ गेल अछि।
अमेरिका दक्षिणी ईरान पर पैघ पैमाना पर सैन्य हमला कयलक, जाहिमे बंदर अब्बास, सीरिक आ केश्म द्वीप केर सैन्य ठिकाने निशाना पर रहल। वॉशिंगटनक कहब अछि कि ईरान द्वारा होर्मुज जलडमरूमध्य केर सैन्य अड्डाकेँ निशाना बनाओल गेल। वाशिंगटनक दावा अछि ई कार्यवाही ईरान द्वारा होर्मुज जलडमरूमध्य लग-पास व्यापारिक जहाज पर हमलाक जवाबमे कयल गेल अछि। अमेरिका ईरानी तेलक बिक्रीक छूट सेहो वापस ल लेलक। एकर बाद ईरान बहरीन आ कुवैतक दिस जवाबी हमला कयलकै, जहैसँ पहिनेसँ जारी युद्धविराम आ वार्ता प्रक्रिया पर गंभीर सवाल उठल अछि।
ट्रंप कहलनि कि हुनक मानब अछि कि ईरानक संग समझौता आब समाप्त भ गेल अछि। हुनक बयान छल कि ओ आब तेहरानक संग जुड़य नहि चाहैत अछि, कारण एहीसँ किछु नहि निकलत। हालांकि ओ ईहो बतैलनि कि अमेरिकी अधिकारी चाहय तँ बातचीत जारी राखि सकैत अछि, मुदा हुनका विश्वास नहि अछि कि एकर कोनो परिणाम भेटत। ट्रंप ईरान केर नेतृत्वक खिलाफ एगो तीखा टिप्पणी जारी कय आरोप लगैलनि कि जँ ओकरा लग परमाणु हथियार अछि तँ ओ ओकर इस्तेमाल करयसँ पाछू नहि हटत। ओ बयान देलनि जे एहि मुद्दा पर हुनक धैर्य आब खतम भ गेल अछि।
अमेरिका केर हमलाक बाद ईरान साफ-साफ कहलक अछि कि ओ कोनो भी दबावक सामने नहि झुकत। ईरानी संसद केर अध्यक्ष आ अमेरिकाक संग वार्तामे शामिल एगो प्रमुख नेता मोहम्मद बाघेर गालिबाफ आरोप लगैलनि कि अमेरिका अंतरिम समझौताकेँ कतेको शर्तक उल्लंघन कयलक। ओ कहलनि कि ईरानक समुद्री प्रबंधनमे हस्तक्षेप, तेल प्रतिबंधकेँ दोबारा लगेनाइ आ दक्षिणी ईरान पर हमला करब समझौताक भावनाक खिलाफ अछि। ईरान केर सेना सेहो अमेरिकी कार्यवाहीकेँ खुला हमला बतैलक आ एकर कड़ा जवाब दै केर शपथ लेलक। सेना दोहरैलक कि होर्मुज जलडमरूमध्यसँ व्यापारिक जहाजकेँ सुरक्षित आवाजाहीक रास्ता जे अछि सैह रहत, जकरा ईरान तय करत आ कोनो बाहरी दखलकेँ स्वीकार नहि कयल जायत।
